Do Do Sol Sol La La Sol (2020) කියන්නේ දකුණු කොරියානු ටෙලි කතා මාලාවක්. මේකේ ප්‍රධාන චරිතවලට රංගනයෙන් දායක වෙන්නේ Go Ara, Lee Jae-wook සහ​ Kim Joo-hun යන අයයි. මෙය ප්‍රථම වරට KBS2 සහ Netflix හරහා විකාශය කිරීමට නියමිතව තිබුණේ 2020 අගෝස්තු 26 වන දිනයේදීය​. කෙසේ වෙතත් KBS විසින් විකාශය කල් දැමුවා COVID-19 ව්‍යාප්තිය පැතිරීම වැලැක්වීම සඳහා. අන්තිමේ 2020 ඔක්තෝම්බර් 7 වෙනිදායින් විකාශය ඇරඹු මෙම කතා මාලාව නොවැම්බර් 26 දක්වා සෑම බදාදා සහ බ්‍රහස්පතින්දා දිනකම කොරියානු සම්මත වෙලාවෙන් රාත්‍රි 9.30 ට විකාශය ට පත් වුණා. මේ කතාවේ “ඩෝ-ඩෝ-සොල්-සොල්-ලා-ලා-සොල්” කියන්නෙ ඔයාලා පොඩි කාලෙ අහපු “Twinkle, Twinkle, Little Star” ගීතයේ පළමු පද පේළියේ සංගීත ස්වර කිහිපයයි. ඒක මේ කතාවේ ප්‍රධාන චරිතය වෙන ගු රා-රාට විශේෂයි. ඒක නිසයි ඒක කතාවේ නම කරලා තියෙන්නෙ. එහෙම විශේෂ වෙන්නෙ කොහොමද කියලා දැනගන්න කතාව බලන්නකො.

මේ දක්වා කතාව​
තාත්තා නැතිවුණාට පස්සෙ ගෙදරින් යන ගු රා-රා, ‘ඩෝ-ඩෝ-සොල්-සොල්-ලා-ලා-සොල්’ කියාගන්නා අබිරහස්ජනක පුද්ගලයෙක් හොයාගෙන යුන්පෝ නුවරට එනවා. එතනදි ඇයගේ කාර් එක ජූන්ගෙ බයිසිකලයේ ගැටිලා අනතුරකට ලක් වෙනවා. ඊට පස්සෙ රෝහලට ඇතුල් කරපු ගු රා-රාට උදව් කරන්නෙ ජූන්. රෝහලෙන් ටිකට් කපාගෙන යන රා-රාට ඉන්න තැනක් නැති නිසා නවතින්න තැනක් දෙන්නෙත් ජූන්. මේ අතර ගු රා-රා ඇතුලත් කළ රෝහලේ වැඩ කරන දොස්තර චා ඉයුන්-සියොක්ට​, ගු රා-රා පිළිබඳව හැඟීමක් ඇති වෙලා ඇයව යාලු කරගන්න උත්සහා කරනවා. අන්තිමේදි ගු රා-රාගේ අනිත් අතත් සනීප වෙනවා. ඉතින් ඇය ජූන්ගෙන් ගත්ත ණය ගෙවන්න ඕන නිසා ආයෙත් පියානෝ වාදනය කරන්න පටන් ගන්නවා. හැබැයි ඒක කරන්න වෙන්නෙ ටිකෙන් ටික​. අනතුර වෙලාවේ ගු රා-රා එක්ක හිටපු ඇගේ සුරතල් බල්ලත් පශු වෛද්‍ය සායනයෙන් නිදහස් වෙනවා. කතාව අන්තිම වෙද්දි වැඩ ඉවර වෙලා ගෙදර යමින් ඉන්න ජූන්, රා-රාගේ ප්ලැට් එක ළඟට වෙලා ඇය දිහා බලා ඉඳිද්දි, ඔහුගේ පිටි පසින් කවුද අමුත්තෙක් එනවා. ඒ කවුද? මොකද වුණේ කියලා දැනගන්න අද කතාවෙන්…

එහෙනම් මේ කොටස​ උපසිරැසියත් එක්ක බලන්නකෝ​. සුභ පැතුම්.
ඊළඟ​ කොටසේ උපසිරැසියෙන් හමුවෙමු.

Due to copyright issues we do not provide any torrent links

සිංහල උපසිරැසි |Loading...|