4 වෙනි Season එකේ තුන්වෙනි Episode එක වෙන්නෙ Crocodile. මේ කතාවේ මූලික තේමාව වෙන්නේ වරඳකාරී මතක සහ හැඟීම්  මිනිස්සුන්ව කොයි තරම් දුරකට අරගෙන යනවද කියන එකයි.

අපි දන්නවා සාමාන්‍යයෙන් Insurance Company එකක් අනතුරක් වුණාම වන්දි ගෙවන්න කලින් සාක්ෂි හොයනවා. මේ කතාවෙ තියෙන ලෝකයේ, ඒකට Recaller කියලා විශේෂ තාක්ෂණයක් පාවිච්චි කරනවා. මේ උපකරණය සාක්ෂිකරුවෙක්ගෙ ඔළුවට සම්බන්ධ කළාම, එයාට සිද්ධිය මතක් කරන්න කියනවා. එතකොට එයාගේ මතකයේ තියෙන රූප පුංචි තිරයක් මත පේන්න ගන්නවා. ඒක හරියට වීඩියෝ එකක් Play වෙනවා වගේ.

කතාවේ ප්‍රධාන චරිතය මියා. එයා ගෘහ නිර්මාණ ශිල්පිනියක්. හැබැයි එයාගෙ අතීතයේ කාටවත් කියන්න බැරි ලොකු රහසක් තියෙනවා. අවුරුදු ගාණකට පස්සෙ, අර රක්ෂණ සමාගමේ නිලධාරිනියක් පොඩි අනතුරක් ගැන හොයන්න ඇවිත් මියාගේ මතකය පරීක්ෂා කරන්න අහනවා. මියාට ඒ පොඩි අනතුර ගැන ප්‍රශ්නයක් නෑ, හැබැයි එයා බය වෙනවා එයාගේ මතකය Scan කරද්දි අර පරණ රහසත් එළියට එයි කියලා.

කතාවෙ නම Crocodile වෙන්න හේතුවක් තියෙනවා. ජනවහරෙ බොරුවට අඬන එකට කියන්නෙ කිඹුල් කඳුලු කියලා. මියා කියන්නේ නරක කෙනෙක් නෙවෙයි, එයා සාමාන්‍ය කෙනෙක්. හැබැයි තමන්ගේ ජීවිතේ රැකගන්න එයා එක බොරුවක් වහන්න තව අපරාධයක් කරනවා. ඒක වහන්න තව එකක් කරනවා. මේ විදියට සාමාන්‍ය මනුස්සයෙක් කොහොමද දරුණු ඝාතකයෙක් බවට පත් වෙන්නේ කියන එක මේකෙන් පෙන්නනවා. කතාව බලලම තේරුම් ගන්න, තාක්ෂණය නිසා හැංගෙන්න තැනක් නැති වුණාම මිනිස්සු තමන්ව ආරක්ෂා කරගන්න මොන වගේ දේවල් කරයිද කියලා

Due to copyright issues we do not provide any torrent links

සිංහල උපසිරැසි |Loading...|