(Wonder Woman 1984 (2020) Sinhala subtitles) මම හිතනවා කාටත් “තෙමිස්කිරාවේ කුමරිය” අමතකවෙලා නැතුව ඇති කියලා. කොහොමද අමතක වෙන්නද නේද ඉතින්. අතීතයේදි දෙවිවරු විසින් මවපු ලෝකෙ ඒ වගේම දෙවිවරු විසින් නිර්මාණය කරපු මිනිස් සංහතිය මිනිස්සුන්ටම විරුද්ධව යුද්ධ කරන්න පටන්ගන්නවා. ඒ දේ සිද්ධවෙන්නෙ සියුස් දෙවියගෙ පුත්‍රයාවෙන ඒරිස් කියන දෙවියා විසින් මිනිස්සුන්ගෙ හිත් තුළට සැකය, වෛරය වගේම ආශාව වගේ කියන දේවල් ඇතුළ් කරපු නිසා. මෙන්න මේ මිනිස්සු අතර ඇතිවුණු යුද්ධෙ නතර කරන්න සියුස් දෙවියන් විසින් “ඇමසෝනියානුවෝ” කියලා කාන්තාවන් කොටසක් නිර්මාණය කරනවා. මෙයාලා ග්‍රීක දෙවිවරු කොට්ඨාසයක්.

හැබැයි ඉතින් මේ ඇමසෝනියානුවෝ ජීවත්වෙන්නෙ පෘථිවියේ. ඈත සාගරය මැද්දට වෙන්න කාටත් නොපෙනෙන විදිහට තෙමිස්කිරාව කියන දූපත දෙවියන් විසින් නිර්මාණය කරලා තියෙන්නෙ මේ ඇමසෝනියානුවන්ට. හිපොල්යාටා රැජින සහ ඇතීනා දෙවඟන විසින් මැටියෙන් දරුවෙක් නිර්මාණය කරලා ඒ දරුවට ජීවය ලබාදෙනවා. එයාට තමයි ඩයෑනා කියලා කියන්නෙ. අද චිත්‍රපටිය ගැන කියන්න කලින් මේකෙ පළවෙනි චිත්‍රපටිය එහෙමත් නැත්තන් Wonder Woman 2017 චිත්‍රපටියෙ වැදගත් දේවල් ටිකක් මතක් කරොත් හොඳයි කියලා හිතුවා. 2013 වසරෙදි අසහාය චිත්‍රපටි අධ්‍යක්ෂවරයෙක් වන Zack Snyder විසින් ආරම්භ කරපු යුනිවස් එකේ චිත්‍රපටියක් තමයි මේකත්. WW 2017 අධ්‍යක්ෂණය කරපු Patty Jenkins නම් කාන්තා චිත්‍රපටි අධ්‍යක්ෂකවරිය විසින්ම තමයි මේ චිත්‍රපටියත් අධ්‍යක්ෂණය කරන්නෙ.

ඒ වගේම මේ චිත්‍රපටියෙ නිෂ්පාදකවරු ගැන කිව්වොත් Gal Gadot, Patty Jenkins, Zack Snyder, Deborah Snyder, Geoff Johns, Charles Roven වගේම Stephen Jones කියන ලොකු පිරිසක් එකතුවෙලා තමයි මේකෙ නිෂ්පාදන කටයුතු සිදු කරන්නෙ. ඒ වගේම මේ චිත්‍රපටියට රංගනයෙන් දායකවෙන ඈයො දිහා බැලුවම කාටත් අමතක නෑ සුරූපී නිළි Gal Gadot ඒ වගේම Chris Pine, Kristen Wiig, Pedro Pascal, Connie Nielsen වගේම Robin Wright කියන තවත් හුඟක් ඈයොන්ව WW84 චිත්‍රපටියෙන් දැකගන්න පුළුවන් වෙනවා. IMDb 6.8 ක් වගේම Rotten Tomatoes හී 70% ක අගයක් මේ අපූරු සිනමා සලරුවට හිමිවෙලා තියෙනවා. ඒ විතරක් නෙවෙයි 85% ක ගූගල් පරිශීලකයන්ගෙ කැමැත්තත් මේ චිත්‍රපටියට හිමිවෙලා තියෙනවා. ඒ වගේම තමයි මේ වතාවෙ චිත්‍රපටියෙ ධාවන කාලය ටිකක් වැඩිකරලා තියෙනවා..

ඒ කියන්නෙ ඔයාලට පැය 2 යි විනාඩි 35 ක් පුරාවට මේ චිත්‍රපටිය රසවි‍ඳින්න පුළුවන්. ඊයෙ දවසෙදි HBO Max හරහා වගේම තෝරාගත් සිනමාශාලාවල තිරගත කිරීම් ආරම්භ කරපු Gal Gadot අක්කගෙ අළුත්ම චිත්‍රපටිය. 2017 අවුරුද්දෙ ආව Wonder Woman චිත්‍රපටියෙ දෙවනි කොටස. මේ චිත්‍රපටිය HBO Max හරහා විකාශය වුණු නිසයි අපිට ඉක්මන්ටම මේ චිත්‍රපටිය බලන්න පුළුවන් වෙන්නෙ. එහෙම නොවී සිනමාශාලාවල විතරක් තිරගත උනානම් අපිට තව සෑහෙන දවසක් බලාගෙන ඉන්න වෙනවා. මොකද මොකද කිව්වොත් අපේ රටෙත් හරිහමන් විදිහට මේවා පෙන්නන්නෙ නෑනෙ. ඒ කොහොම උනත් දැන් කාටත් මේ අපූරු සිනමා සලරුව තේරෙන සිංහලෙන් නරඹන්න හැකියාව තියෙනවා. එහෙනම් අදට සමුගන්නයි මේ ලෑස්තිය. තවත් අපූරු සිනමා සලරුවක චිත්‍රපටියකින් මුණගැහෙමු. දිගටම සිනෙරූ උපසිරැසි අඩවියත් එක්ක රැඳිලා ඉන්න.ටයිපං වැරදි තිබුනොත් සමාවෙන්න 

Due to copyright issues we do not provide any torrent links

ඉහත ලබාදී ඇති සිංහල උපසිරැසිය වෙනුවෙන්
සමිත රමේෂ් සහෝදරයාට ස්තුතිය හිමිවිය යුතු අතර උපුටාගැනීම් ඔහුගේ අවසරය මතම සිදුවිය යුතුයි.

සමිත රමේෂ්

April 12, 2019

222

Total Subtitles

Subtitles