ඔන්න අවසාන එපිසෝඩ් එකත් ගෙනාවා.

මේ එපිසෝ එකෙන් කතාව ඉවරවෙනවා. අපේ කතා නායිකාව වෙන හේ වොන් සෝල් වලට යනවා. යුන් සොප් හේචොන් වල තනිවෙනවා. හේ වොන්ගේ නැන්දාගේ පොත එළිදක්වනවා.ශීත කාලය අවසන් වෙලා හේචොන් නගරයට වසන්තය එනවා. වටපිටාව වෙනස් වෙනවා.

ඉතින් හේ වොන් හේ චොන් එයිද? නැවත යුන් සොප්ව හමුවෙයිද? ම්යොන්ග් යෝටයි, ම්යොන්ග් ජූටයි මොනවා වෙයිද? ජැන්ග් වූ ටයි යුන් සිල්ටයි මොනවා වෙයිද? මේ සේරම අවසාන එපිසෝඩ් එක බලලා දැනගන්න පුළුවන්.

එපිසෝඩ් 16ක් දිග මේ කතාව හරිම සෞම්‍යයි කියලා කියන්න පුළුවන්. මේ කතාවේ දෙබස් පවා අඩුවෙන් තිබ්බේ. පොත් එක්ක ගෙතුනු කතාවක් නිසා හැම එපිසෝඩ් එකකම වගේම පොතකින් උපුටාගත්ත ලස්සන සාහිත්‍යම පදපේලී කීපයක් තිබ්බා.

විවිධාකාර චරිත ඔස්සේ ජීවිතයට ගත හැකි උපදෙස් කීපයක්ම මේ කතාවේ තියෙනවා.

හේ වොන් ලොකු කලකිරීමකින් එයාගේ රස්සාවත් අතහැරලා සෝල් වලින් එන්නේ, එයා ළමයින්ට උගන්වන්න සුදුසු නෑ කියලා තමා එයා හිතන්නේ. නමුත් නිවාඩුවකට පස්සේ සෝල් වලට ගියාම තේරෙනවා එයාගේ ජිවිතේ එයා හිතපු තරම් නරක නෑ කියලා. එයාට තිබ්බා දුෂ්කරතා නිසා එයා ආස දේවලුත් එයාට එපා වෙලා තිබ්බේ කියලා හේ වොන් තේරුම් ගන්නවා.  ඒ වගේම හේ වොන් බෝ යොන්ග්ටත් අවස්ථාවක් දෙනවා.

තමන් වෙතින් සතුට ගිලීහී ගියාම දුක් වෙන්න වෙන නිසා සතුටු වෙන්න බයෙන් හිටිය යුන් සොප්ට ආයෙම සතුටු වෙන්න පුළුවන් වෙනවා. යුන් සොප් වෙනදට වඩා හොදට එයාගේ හැගීම ප්‍රකාශ කරනවා.
මුලදී තමන්ගේ වැරද පිළිගන්න අකැමැත්තෙන් ඒක වැරදි වැටහීමක් කියලා කියන බෝ යොන්ග් අවසානයේදී තමන්ගේ වැරැද්ද පිළිගන්නවා.

කෙනෙක් නොහිතා පිටකරන වචන වලින් තව කෙනෙක්ගේ ජීවිතයට මොනතරම් ලොකු බලපෑමක් කරන්න පුළුවන්ද කියලා මේ කතාවෙන් අපිට පෙන්නනවා.

ජීවිතය ගැන ලස්සන පාඩමකින් තමා කතාව අවසාන වෙන්නෙත්.
එහෙනම් තවත් ලස්සන කතාමාලාවකින් හමුවෙමු.
හැමෝමට බුදුසරණයි!

Due to copyright issues we do not provide any torrent links

සිංහල උපසිරැසි |Loading...|