(What’s Wrong with Secretary Kim? (2018) Complete Season Sinhala Sub) ආයුබෝවන් ආදරණීය යාලුවො හැමෝටම.ඔන්න අපෙන් දිගින් දිගට ඉල්ලීම් කරපු තවත් අපූරු කොරියානු කතා මාලාවක සම්පූර්ණ උපසිරැසි ටික ඔයාලට දෙන්න තමයි මේ සූදානම.

ඉතින් ටික කාලෙකට කලින් දෙන්න තිබ්බ එකක් මේක උපසිරැසි කරන්න යෝජනා කලේ අපේ අසංක සහෝදරයා තමයි.නමුත් දිගින් දිගටම හැමෝම බිසී වුනු නිසා වැඩේ ඉක්මනින් ඉවර කරන්න ලැබුනෙත් නෑ..ඉතින් ආයෙම ඉල්ලීම් කරන්න ගත්ත අය වැඩි වුනු හින්දා කොහොමෙන්හරි වැඩේ ගොඩ දැම්මෙ මේ විදියට.

ඩ්‍රාම එක ගැන කියනවනම් 2018 වසරේ කොරියානු “tvN” නාලිකාව හරහා විකාශනය වුනු Romance | Comedy කාණ්ඩයට අයත් කතාවක් තමයි මේක. ඉංග්‍රීසියෙන් What’s wrong with secretary kim ලෙසත් කොරියානු භාශාවෙන් Kimbiseoga wae geureolkka ( 김비서가 왜 그럴까 ) කියල තමා මේ ඩ්‍රාම එකට නම ලැබිල තියෙන්නේ. 8.1 ක ඉහළ IMDB අගයක් සමඟ Google Users ලගෙන් 97%ක මනාපයක් මේ සඳහා හිමි වී තිබෙනවා. ඒ වගේම පහුගිය දිනක Netflix හි කොරියානු ඩ්‍රාම ශ්‍රේණිගත කිරීමේ අංක දෙක ස්ථානයට එන්නත් මේ ඩ්‍රාම එකට හැකියාව ලැබුනා.

ප්‍රධාන නලුවා ලෙසින් බොහො දෙනෙක්ගේ ආදරය දිනාගත්ත Park seo joon තමයි රංගනයෙන් එක් වෙන්නෙ.ප්‍රධාන නිලිය වෙන්නෙ සුරූපී Park Min Young තමයි.ඉතින් මේ දෙන්නගෙ එකතුව කොයිතාක් දුරට සාර්තක ද කියල ඔයාලට ඩ්‍රාම එක බලලම දැනගන්න පුළුවන්.ඇත්තෙන්ම කිව්වොත් පෞද්ගලිකව මමත් කොරියානු Rom:Com ඩ්‍රාම අතර ආසම එක තමයි මේ ඩ්‍රාම එක.ඒ වගේම විනාඩි 60-76 පමණ ධාවන කාලයක් සහිත එපිසෝඩ් 16කින් මේක යුක්ත වෙනව.

මම කතාව පොඩ්ඩක් මතක් කරන්නම්.

යොන් ජුන් කියන්නෙ යොම්ගුම් සමාගමේ උප සභාපති.මෙයා තමා ඒකෙ අයිතිකාරයගෙ දෙවනි පුතා.ඉතින් මෙයාගෙ සෙකට්‍රි තමා කිම් මි සෝ කියන්නෙ.එයා යොන් ජුන් ගාව අවුරුදු නවයක් තිස්සෙ වැඩ කරන්නෙ.මේ යොන්ජුන් කියන්නෙ එහෙම ලේසි පාසු කෙනෙක් නෙමේ තමන් හැම අතින්ම පරිපූර්ණයි කියල හිතන ඒ වගේම ඇත්තටම දක්ශ කෙනෙක්.ඉතින් කොහොමෙන්හරි මේ කිම් මි සෝ කියනව එයාට සෙකට්‍රි තනතුරෙන් අයින් වෙන්න ඕන කියල..ඔන්න එතකොට තමා මෑන්ට ගිනි රත් වෙන්නේ..මේ අය අතර සැගවුනු අතීත කතානම් බොහොමයි.

ඉතින් ඇත්තටම සෙකට්‍රි කිම්ට මොනව වෙලාද ..?

ඔයාලම අරගෙන බලන්න..වින්දනය උපරිමෙන් ගන්න පුළුවන් කියල සහතික කරලම තමයි මේ ඩ්‍රාම එක සිංහල උපසිරැසිත් එක්ක ඔයාලට තිලිණ කරන්නෙ.යන්න කලින් තව එක දෙයක්..

තමන්ගේ වටිනා කාලය කැප කරල මේ ඩ්‍රාම උපසිරැසි කරන්න කැප වුනු  මදුශාන්, සලිත , පැතුම් යන සහෝදරයන්ටත් , රුවිනි සහෝදරියටත් ගොඩක් ස්තූතිවන්ත වෙන්න ඕන.

එහෙනම් දිගටම රැදෙන්න සිනමා පිස්සන් හදවතේ තියන් සිංහල උපසිරැසිකරණයේ නිරත වන ආදරණීය මිතුරා සිනේරූ සිංහල උපසිරැසි වෙබ් අඩවිය එක්ක..

ඔබට ජය !

Due to copyright issues we do not provide any torrent links

ඉහත ලබාදී ඇති සිංහල උපසිරැසිය වෙනුවෙන්
සිනෙරු කණ්ඩායම ට ස්තුතිය හිමිවිය යුතු අතර උපුටාගැනීම් ඔවුන්ගේ අවසරය මතම සිදුවිය යුතුයි.

සිනෙරු කණ්ඩායම

April 12, 2019

268

Total Subtitles

Subtitles