(The New Mutants 2020 Sinhala Sub)හම්මෝ ඉතින් කට්ටියට කොහොමද? මට නම් ටිකක් විතර අමාරු කාලයක් එන්නේ ඔන්න. පොඩි පාඩම් වැඩ වගයක් සෙට් වීගෙන එන්නේ. කොහොම උනත් ඔන්න අදට 50යි! ඔව්, උපසිරැසි 50ක් සම්පූර්ණ කලා. හිතා ගන්නත් බෑ. මං හිතන්නේ ගොඩක් ඉක්මනින්ම 50 කලා මම. ඉතින් මෙහෙමයි අද කතාව අරන් ආවේ අති විශේෂ එකක්. මොකද කියනවා නම් මේක තමයි අර එක්ස් මෙන් කියන සුපිරියෝ ටිකගේ දෙවන පරපුර වෙන්නේ. කොහොම හරි ඔන්න අරන් ආවා.

මේ තමයි එක්ස් මෙන් ෆිල්ම් සෙට් එකේ අවසානය. ආයේ එනවා නම් එන්නේ වෙනම නමකින් හෝ වෙනම විදිහකින්. අර මීට කලින් අවසානෙට ආව ඩාර්ක් ෆීනික්ස් එකේ කිව්වනේ ජීන් තමයි බලවත්ම කියලා. ඒත් මේකෙදී කියනවා බලවත්ම වෙන කෙනෙක් ගැන. ඇයි අර ලෝගන්ගේ අවසාන ෆිල්ම් එකේදි එයාගේ දුව බේරෙනවා. එතනත් ආයේ ෆිලුමකට ඉඩ තියෙනවා. අපි බලමුකෝ. මේ සබ මාර හදිසියෙන් ගැහුවේ. හරිම කොපිය අරගෙන බලන්න. හොඳ කොපියක් ආව ගමන් අප්ඩේට් කරන්නම් සෙනිකව😂.

මුලින්ම දුකෙන් උනත් කියන්න ඕනේ මේක කැම් කොපියක්. ඒ උනත් කඩයිමක් පහුකරන්න ඉතින් මීට වඩා හොඳ එකක් නැනේ. ඒ නිසයි දෙන්නේ. මම කැමති නෑ කැම් කොපිවලට සබ් ගහන්න. ඒත් 50 වෙනුවෙන් දෙනවා. අනික මම මාරම ආස ෆිල්ම් සෙට් එකක් තමයි මේ එක්ස් මෙන් සෙට් එක. තව දෙයක් ගේම් ඔෆ් ත්‍රෝන්ස් එකේ අර මලවුන්ගේ හමුදාවේ මහ එකාව මරන පොඩි කෙල්ල “ආර්යා ස්ටාර්ක්” මේකේ ඉන්නවා. මේකේ කියවෙන දේ ඔයාලා දන්නවනේ, ඉතින් සුපිරියක් තමයි. තාම මේක සමහර රටවල තිරගත වෙලාවත් නෑ, ඒ උනාට ආදායම නම් ඇමරිකානු ඩොලර් 12 404 473 විදිහට මේ වෙනකොට සටහන් වෙලා තියෙනවා. හරි එහෙනම් මොනවා කියන්නද ටිකක් අඩු කොලිටියෙන් හරි බලලා ඉන්න මුලින්ම. අපි තමයි ඉස්සෙල්ලාම මේක අරන් ආවේ ඉතින් හැමදාම වගේම.

අනික විශේශයෙන් දෙයක් කියන්න ඕනේ, සමහර ලොකු සයිට්වල ඉන්න ලොකු අයියලා මට කියලා තිබ්බා සබ් දීපුවා ආපහු දීලා දෙකක් විතර. ඇයි එයාලාගේ සබ් හොරකම් කරනවද කියලා. මට ඒ අයට  කියන්න තියෙන්නේ ඔයාලගේ එකයි, මගේ සබයි දෙකම අරන් බලන්න. වෙනස තේරෙයි.

හරි එහෙනම් ඔන්න මගේ ස්තූති කතාව පටන් ගන්න හදන්නේ. මෙහෙමයි මේ සබ් කෙරුවාවට ආවේ ඉංග්‍රීසි ටිකක් ඉගෙන ගන්න ඕනේ නිසා. මෙන්න බොලේ මේක විශ්ව විද්‍යාලයක් වගේ උනා. මම මුලින්ම ශර්ලොක් හෝම්ස් මහත්තයාගෙන් වැඩේ පටන් ගත්තා. එදා තිබ්බා ලස්සන කමෙන්ට් ටිකක්. ආස හිතිලා දෙවනි එකත් ගෙනාවා. ඔහොම ආව වැඩේ අවසානේ මම රුසියන් ෆිලුම් සිංහලෙන් ගෙන ඒම දක්වාම දියුණු උනා. ඉතින් මේකේ අයිතිය තියෙන්නේ මට නෙවෙයි. මෙන්න මේ පහල ඉන්න අයට.

පිළිවෙලටම කිව්වොත් මුලින්ම ඉන්නේ මගේ චූටි සදහම් පුතා. ඊලඟට මගේ ආදරණීය බිරිඳ ලක්ෂ්මී. ඒ දෙන්නා මට කරදර නොකර, ඉල්ලන ඉල්ලන වෙලාවට තේ, බිස්කට්, කෝපි ගෙනත් දීලා, ඒ වගේම කීබෝඩ් එක උඩ, නැත්නම් ටැබ් එක උඩ නිදියන් ඉද්දී ඇහැරවලා මට දුන්න හයියෙන් තමයි සබ් 50ක් කොරේ ඕං. ඒ වෙනුවෙන් ඉතින් ස්තූතියි කියලා මදි මම. බොහෝම පිං. හරි ඔන්න ඊලඟ තුන්දෙනා, පළවෙනියා තමයි මගේ ලොකු බොස් සමිත රමේශ් මල්ලී, කොයි තරම් අවුල් උනත් මැසේජක් දාලා අපිව ෆෝම් කරලා ගන්න සුපිරි බොසෙක් තමයි ඉතින්. ඊලඟ ඔය ලස්සන කවර හදලා දෙන, ඒ වගේම හැමවෙලේම හොයලා බලන, සබ් ඉල්ල ඉල්ල දාන මගේ පොඩි බොස් තමයි මේ, අංජුල උමේශ් මල්ලි. ඊලඟ ඉන්න තනිකඩයා තමයි චානක තිලංක මල්ලී. මගේම සහෝදරයෙක් වගේ හැම මගුලකටම ඔලුව දාන හිත හොඳ සුපිරිම කොල්ලෙක් තමයි ඉතින් මේ. ඔරවන් හිටියට හිත හොඳයි. තනිකඩයා, ඒ නිසා කැමති කෙනෙක්ට වේකන්සියක් තියෙනවා. චානකගෙන් අහලා බලන්ටකෝ කැමති කෙනෙක් ඉන්නවා නම්. මේ හැමෝටම ගොඩක් ස්තූතියි, ගොඩක් පිං මට මේ කඩයිමට එන්න උදව් කලාට.

Hashan M. Priyadarshana , Kantha_DLA , Isirajanith , Gihan Lakmal , Lakmal , හිරාන් ශාරංග , Kosala , V E N O M E , Nuwan Kanchana Ganegoda……….. ඇතුලු නම් කියවුන හා නොකියවුන එක කමෙන්ට් එකක් හරි දාපු හැමෝම තමයි තල්ලුව දුන්නේ මේ 50වෙනි උපසිරැසිය ගේන්නත්. ඒ හැමෝවමත් ආදරයෙන් මතක් කරනවා වගේම දිගටම කමෙන්ට් කරන්න කියලත් ඉල්ලනවා. නම නොකියවුනා නම් සමාවෙන්න කියලත් ඉල්ලනවා. මට නම් එක කමෙන්ටුවක් හරි දාපු කෙනෙක් ඉන්නවා නම් ගොඩාක් පිං. ඔයාලා තමයි මට මේ දුර එන්න හයිය. ආයෙත් කියන්නේ අමතක උනා නම් සමාවෙන්න, කොහොම උනත් කමෙන්ට් කරපු හැමෝම හදවතේ ඉන්නවා.

වැදගත්ම දේ තමයි, මම දැක්කා පහුගිය කමෙන්ට් කීපයකම කට්ටිය ඉංග්‍රීසී සීරීස් වලට සබ් ඉල්ලලා තිබ්බා. ඕං එහෙනම් මං පොරොන්දුවක් දෙනවා. මේ වෙනකොට මම කරන් එන සීරීස් ඉතුරුවා සීසන් සීසන් වශයෙන් එකටම සබ් ටික දෙනවා. ඒ වගේම ඒ ටික එක එක ඉවරවෙනකොට ඒ වගේම සුපිරි ඉංග්‍රීසි සීරීස් දෙනවා. ඒ අතර ඇනිමේශන් හා වාර්ථාමය එක සීසන් එක ගානේ දෙනවාමයි. හැබැයි ඉන්දියන් ඒවා නම් දෙන්නේ නෑ මම. හරිනේ. ඔන්න ඉතින් මම 50ට වඩා ඉක්මනින් 100 ඉවර කරනවා. ඉතින් හරිනේ, මතකයිනේ, මේක පොරොන්දුවක්. සීසන් කම්ප්ලීට් කරලම දෙන හින්දා පොඩි කාලයක් නිහඬයි වගේ දැනේවි. ඒත් එහෙම නෑ, මම ඉන්නෙ ගේම් එක ඇතුලෙමයි හොඳේ.

Due to copyright issues we do not provide any torrent links

ඉහත ලබාදී ඇති සිංහල උපසිරැසිය වෙනුවෙන්
දර්ශන හෙට්ටිවත්ත සහෝදරයාට ස්තුතිය හිමිවිය යුතු අතර උපුටාගැනීම් ඔහුගේ අවසරය මතම සිදුවිය යුතුයි.

දර්ශන හෙට්ටිවත්ත

April 19, 2020

300

Total Subtitles

Subtitles