(The Adam Project (2022) Sinhala Subtitles) (The Adam Project (2022) Sinhala Sub)

කොහොමද යාලුවනේ.. ඔන්න අද අරගෙන ආවේ ඊයේ Netflix හරහා නිකුත් වුන අලුත්ම Sci-Fi/Adventure ෆිල්ම් එක වෙන “The Adam Project”. දන්නවනෙ නලුවා කවුද කියලා. Rayan Reynolds තමා මේකේ ප්‍රධාන චරිතය රඟදක්වන්නේ. (ඔව් ඔව් ඩෙඩ්පූල් තමා ) ඉතින් රයන් ඉන්නවා නම් ෆිල්ම් එක ගැන අමුතුවෙන් කියන්න දෙයක් නැ අනිවා සුපිරියක් කියලා ඔයාලා දන්නවනේ.. රයන්ට අමතරව Mark Ruffalo, Jennifer Garner අයත් ප්‍රධාන කාස්ට් එකේ ඉන්නවා..

Film එක අධ්‍යක්ෂණය කරන්නේ Night at the Museum, Love and Monsters ෆිල්ම් අධ්‍යක්ෂණය කළ Shawn Levy. ඒ වගේම Ryan Reynolds නිෂ්පාදකවරයෙක් ලෙසත් සහය දක්වලා තියෙනවා.

ෆිල්ම් එක සුපිරි වගේම මේ සබ් එක මට හුගාක් විශේෂයි.. මොකද මේක තමයි මගේ උපසිරැසි ජීවිතයේ පළවෙනි කඩයිම.. ඒ කියන්නේ 50 වෙනි උපසිරැසි නිර්මාණය.. කියන්න වචන නෑ මාරම සතුටුයි.. සිනෙරූ එකට දැන් මං සම්බන්ධ වෙලා අවුරුදු එකහාමාරකට ළංවෙනවා.. වැඩ අස්සේ ඉතින් ටිකක් කල්ගියා මේ කඩයිමට එන්න.. ඊළඟ කඩයිමටවත් ඉක්මනින් එන්න බලන්නම්

සමිතේ, අංජුල,මදුවා ඇතුළු හැමෝමව ආදරෙන් මතක් කරනවා.. මදුවා සහෝ තමා මුලින්ම මට වැඩේ කියලා දුන්නේ.. මේ ෆිල්ම් එකට කවරයක් හදලා දුන්න අශේන් සහෝදරයාටත් ස්තුති කරන්න ඕන.. ඒ වගේම සබ් එක ඩවුන්ලෝඩ් කරන් කමෙන්ට් එකක් දාලා යන ඔයාලටත් හුගාක් ස්තූතියි.. මොකද ඔයාලගේ කමෙන්ට් තමා අපේ හයිය.. අපිට වෙන ලබෙන දෙයක් නෑනේ.. ඒක තමා ආත්ම තෘප්තිය..

හරි දැන් ෆිල්ම් එකේ කතාව පොඩ්ඩක් බලමුකෝ අපි, කතාව ගැන කියනවා නම් මේක ටයිම් ට්‍රැවල් සීන් එකක් තමා තියෙන්නේ. තමන්ගේ තාත්තගේ අකල් මරණය නිසා දුක්වෙන අවුරුදු 12ක් වයස ඇඩම් රීඩ්ට දවසක් ගෙදර ගරාජ් එකේ හැංඟිලා ඉන්න තුවාලකාරයෙක් හම්බෙනවා. ඇත්තටම මෙයා තුවාල වුණ ගුවන් නියමුවෙක්. පුදුම හිතෙන කතාව කියන්නේ මේ ඇවිල්ලා ඉන්නේ ඇඩම්ගේ අනාගතේ වර්ෂන් එක. ඔන්න ඔහොම තමා කතාව පටන්ගන්නේ.

මීට වඩා මං කතාව කියන්නේ නැ මොකද එතකොට වැඩක් නෑනේ.. ඔයාලම අරන් බලන්නකෝ.. මතක් කරලා පහළින් කමෙන්ට් එකකුත් දාගෙනම යන්න කියලා ආදරෙන් ඉල්ලනවා.. ඒ වගේම මේක Sci-Fi ෆිල්ම් එකක් නිසා සමහර විද්‍යාත්මක වචනවල අඩුපාඩු තියෙන්න පුළුවන්.. ඒවට සමාව ඉල්ලනවා.. ආයෙම ලස්සන ෆිල්ම් එකක සබ් එකක් අරගෙන ඉක්මනින්ම එන්නම්.. ඔයාලට ජයවේවා!!

උපසිරසිකරණයේ නවමු රැල්ල සිනේරු…