(Spider-Man: No Way Home (2021) Sinhala Subtitles) (Spider-Man: No Way Home (2021) Sinhala Subtitle) (Spider-Man No Way Home 2021 Sinhala Subtitle)

Spider-Man කිව්වම ලොකු පොඩි කවුරුත් හුඟක්ම ආදරේ කරන චරිතයක්. අපි උනත් පොඩි කාලෙ ඉඳන්ම හුඟක් ආසාවෙන් බලපු චිත්‍රපටියක් තිබ්බා නම්… ඒ Spider-Man. මාවල් රසිකයෙක් නොවන කෙනෙක් උනත් Spider-Man චරිතයට ලොකු කැමැත්තත් තියෙනවා.

අද උනත් අපි ආසාවෙන් මගනොහැර බලන Spider-Man චරිතය නිර්මාණය කරන්නෙ “කැමියෝ 👑“ එහෙමත් නැත්තන් හැමෝම දන්න “Stan Lee” විසින්. ස්ටැන් ලී අද අපි අතරෙ නැති උනත් Spider-Man චරිතය අදටත් හුඟක්ම ජනප්‍රියත්වයක් උසුලන චරිතයක් බවට පත්වෙලා තියෙනවා.

මුලින්ම Spider-Man චරිතය Live Action චිත්‍රපටියක් විදිහට නිර්මාණය වෙන්නෙ 2002 වසරෙදි. ඉතින් මේක Trilogy එකක් විදිහට තමයි නිර්මාණය වෙන්නෙ. Sony Pictures ආයතනයේ මූලිකත්වයෙන් නිර්මාණය කරපු මේ Trilogy එකේ Spider-Man චරිතයේ නිරූපණය කරන්නෙ “Tobey Maguire” විසින්. Spider-Man කොමික් චරිතය නිර්මාණය කළේ Marvel Studios ආයතනයෙන් උනත් පස්සෙ කාලෙක Marvel Studios ආයතනයේ කඩා වැටීමත් එක්ක එයාලා තීරණය කරනවා මේ කොමික් චරිත කීපයකම රයිට්ස් විකුණන්න. ඉතින් ඒකෙ ප්‍රතිඵලයක් විදිහට තමයි Sony Pictures ආයතනය Spider-Man චරිතයේ රයිට්ස් අරගන්නෙ. හැබැයි මේ නිර්මාණය කරපු Spider-Man Trilogy එකේ චිත්‍රපටි ආදායම් අතින් ඒ තරම් සාර්ථක වෙන්නෙ නෑ. ඒ නිසා ඒ trilogy එක එතනින් නවත්තලා දාන්න තීරණය කරනවා.

Spider-Man (2002)

Spider-Man 2 (2004)

Spider-Man 3 (2007)

ඊට පස්සෙ ආයෙමත් Spider-Man චිත්‍රපටියක් නිර්මාණය වෙන්නෙ 2012 වසරෙ. ඒ “The Amazing Spider-Man” නමින්. මේකත් නිර්මාණය කරන්න බලාපොරොත්තු උනේ Trilogy එකක් විදිහට. ඒ කියන්නෙ චිත්‍රපටි 3 ක් විදිහට. ඒ කොහොම උනත් නිර්මාණය කරපු The Amazing Spider-Man චිත්‍රපටි ද්විත්වයම ආදායම් අතින් නැවත වතාවක් අසාර්ථක වීම නිසාම මේ Trilogy එක චිත්‍රපටි දෙකකින් අවසන් කරන්න තීරණය කරනවා. මේ චිත්‍රපටිය ද්විත්වයටම රංගනයෙන් දායක උනේ “Andrew Garfield”. මේ චිත්‍රපටි දෙකත් නිර්මාණය වෙන්නෙ Colombia Pictures සහ Marvel Entertainment යටතේ උනත් අයිතිය තියෙන්නේ සුපුරුදු විදිහට Sony Pictures ආයතනයට.

The Amazing Spider-Man (2012)

The Amazing Spider-Man 2 (2014)

ඒ චිත්‍රපටි දෙකෙනුත් පස්සෙ Marvel Studios ආයතනයේ මූලිකත්වයෙන් Sony Pictures ආයතනය යටතේ මීළඟට නිර්මාණය කරනවා “Spider-Man: Homecoming” Trilogy එක. මෙන්න මේ trilogy එකේ පළවෙනි චිත්‍රපටියෙන්ම සාර්ථක ආදායමක් ලබාගන්න සමත් වෙනවා. ඒ නිසාම මීළඟ චිත්‍රපටි දෙකත් නිර්මාණය කරන්න Sony Pictures ආයතනය සහ Marvel Studios ආයතනය තීරණය කරනවා. මේ trilogy එකට රංගනයෙන් දායක වෙන්න “Tom Holland”. මේ trilogy එකේ අන්තිම චිත්‍රපටිය තමයි “Spider-Man: No Way Home 2021” නමින් පසුගිය වසර අවසානයේ තිරගතවීම් ආරම්භ කරන්නෙ. මීට කලින් නිර්මාණය කරපු කොයිම Spider-Man චිත්‍රපටියකටත් වඩා සාර්ථක ආදායමක් මේ චිත්‍රපටිය මේ වෙනකොට ලබාගෙන තියෙනවා. ඒ කියන්නෙ මේ වෙනකොට No Way Home චිත්‍රපටිය ඇ.ඩො. බිලියන 1.5 ක වගේ අති විශාල ආදායමක් ලබාගෙන තියෙනවා.

Spider-Man: Homecoming (2017)

Spider-Man: Far from Home (2019)

Spider-Man: No Way Home (2021)

“No Way Home” චිත්‍රපටිය ගැන මාවල් ෆෑන්ස්ලා වගේම ස්පයිඩර් මෑන් ෆෑන්ස්ලත් හුඟක් ලොකු බලාපොරොත්තු තියාගෙන හිටියා. ඒ මොනවද කියලා ඒ අය දන්නවා. දැනටමත් මේක සිනමාශාලා වලින් බලපු අය ඉන්නවා ඇති. ඒ වගේම නොබලපු අයත් ඇති. මුල් දවස්වල ලොකු රැල්ලකුත් හැදුනනෙ චිත්‍රපටිය බලන්න තියටර් වලට යන.

2002 වසරේ සිට 2021 දක්වා නිර්මාණය වුණු Spider-Man චිත්‍රපට සඳහා Spider-Man ලෙස චරිත මැවූ රංඟන ශිල්පීන්

(වමේ සිට පිළිවලින් :- Andrew Garfield,Tom Holland,Tobey Maguire)

කාලයක් තිස්සෙ Social Media වලින් එක එක විදිහට ෆෑන්මේඩ් පෝස්ටර් සහ කන්සෙප්ට් ආර්ට් අපිට දකින්න ලැබුණා… ඒ අතරෙ අපිට අහන්න ලැබුණ දෙයක් තමයි “Multiverse” කියන වචනය. ඇත්තටම මේ Multiverse එක  “Spider-Man No Way Home” චිත්‍රපටියෙන් බලාගන්න පුළුවන් වෙයි කියලා හුඟක් අය විශ්වාස කරා වගේම විශ්වාස කරනවා. ඒක එහෙම නොවෙන්න කිසිම හේතුවක් නෑ. මොකද Marvel Studios ආයතනය කියන්නෙ හැමදාමත් එයාලගෙ ෆෑන්ස්ලට ඕනි කරන දේවල් අනිවාරෙන්ම ලබාදෙන්න කටයුතු කරන ආයතනයක්. චිත්‍රපටියේ ට්‍රේලර් වලින්ම අපි බලාපොරොත්තු උන දේවල් වලින් කීපයක්ම ඉෂ්ඨ උනා කියලා අපි දැක්කා. මේක තමයි 2021 වසරෙ ලොකුම හයිප් එකක් තිබුණ චිත්‍රපටිය. ඒ වගේම චිත්‍රපටියත් හුඟක්ම සාර්ථක උනා කියන්න පුළුවන්. ඇ.ඩො. මිලියන 200 ක බජට් එකකින් අරවගේ ආදායමක් ලබාගත්තා කියන එකෙන්ම ඒක ඔප්පු වෙනවා.

ඒ සාර්ථකත්වය නිසාම “Spider-Man No Way Home” චිත්‍රපටියට IMDb 8.8 ක අගයකුත්, Rotten 🍅 මීටරේ 93% ක අගයකුත් ලැබිලා තියෙනවා. ඒ වගේම තමයි 97% ක ගූගල් පරිශීලකයන්ගේ කැමැත්තත් මේ චිත්‍රපටියට හිමිවෙලා තියෙනවා.

ඉතින් එහෙනම් අපි චිත්‍රපටිය ගැන කියන්නේ නෑ, ඔයාලට කියන්න තියෙන්නේ මග නොහැර මේ චිත්‍රපටය බලන්න කියලා. එහෙනම් ඔයාලට සුභ දවසක්. අමතක නොකර කමෙන්ට් එකක් දාලා යන්න..

සටහන :- සොමේෂ් ජයරත්න 

(Spider-Man: No Way Home Sinhala Sub) (Spider Man No Way Home 2021 Sinhala Sub) (Spider-Man Sinhala Subtitle) (Spider Man No Way Home Sinhala Subtitle)

Due to copyright issues we do not provide any torrent links

සිංහල උපසිරැසි |Loading...|