(Jurassic World Camp Cretaceous (2020) Sinhala Sub) හිතුවට වඩා පරක්කු උනා ඔන්න මේ සීරීස් එක දෙන්න නම්. සමාවෙන්න ඒකට. ඊටත් වඩා දේ තමයි හදිසියේ මේක ඉවර කරන්න දඟලද්දී දේශාන් මල්ලී කිව්වා “අයියේ දෙන්නම් සපෝර්ට් එකක්” කියලා. ඉතින් දෙයියෝ බැලුවා වගේ එයාට 4යි මට 4යි ගත්තා. හරිනේ. ඔන්න ඔහොමයි උණු උණුවෙම ආව ජුරාසික් වර්ල්ඩ් සීරීස් එක ගෙනාවේ. මේක ඇනිමේශන් එකක්. ඒත් ඩයිනසෝරයෝ නම් ඇත්තම වගේමයි. කිසිම වෙනසක් නෑ. පට්ටම කොලිටි. මේ ඩයිනසෝර් කේස් එකට මුලින්ම අදහස ආවේ සර් ආතර් කොනන් ඩොයිල්ගේ “ද ලොස්ට් වර්ල්ඩ්” පොතෙන්ලු. ඒකේම මූලික අදහස අරන් මේ වගේ ෆිල්ම්, සීරීස් ගොඩක් හැදිලා තියෙයි. හැබැයි මේක එළ.

ඔයාලා බැලුවනේ ජුරාසික් වර්ල්ඩ් ලයිව් ඇනිමේශන් 2014 ෆිලුම? අන්න ඒකේ හිටියා මතකද අමුතු ආකාරයේ දරුණු ඩයිනසෝරයෙක්? ඌ ඉන්නවා මේකෙත්. ඒ වගේම අර පීනන ලොකු එකා, අවසානේ අර දරුණු එකාව ගිලින්නේ! අන්න ඌත් ඉන්නවා. ඉතින් කතාව මරේ මරු. මේක ඇනිමේශන් උනාට ළමයින්ට ආව එකක්ම නෙවෙයි. ඕනේම කෙනෙක්ට මේක සුදුසුයි. මෙහෙමයි කතාවේ සිසන් දෙකක් තියෙයි. තාම ආවේ එකයි. අනිකත් එනකොටම දෙන්නම්කෝ.

දේශාන් මල්ලී ගැන විශේෂයෙන් යමක් කියන්න එපැයි. නැත්නම් ආයේ සබකටවත් එන්නේ නැතිවෙයි 🤣🤣🤣. නැහැ, නැහැ විහිලුවට කිව්වේ. කොල්ලා සුපිරියෙක්. සබකට උදව්වක් ඉල්ලුවොත් බෑ කියලා නෑ කවදාවත්. අනික සබ් එකට වැඩ කෑලි තොගයක්ම දානවා. ෆ්ලෑෂ් වගේ ස්පීඩ් එක. අනික ඇනිමේශන් පිස්සෙක්, මං වගේම. ඒ නිසා දේශාන් මල්ලී ගොඩක් ස්තූතියි. මල්ලි කිව්වට පුතා වගේ අපි දෙන්නගේ වයස පරතරේ. 

කතාවේ වෙන්නේ මෙන්න මේකයි; ඩයිනෝසෝරයන් දකින්න ඔහුගේ මුළු ජීවිතයම බලා සිටීමෙන් පසු, ඩාරියස් කියන කොල්ලා ජීවිත කාලය තුළ එක් වරක් කළ ත්‍රාසජනක ක්‍රියාවක් සඳහා ඉස්ලා නුබ්ලර් හි තවත් 5 ක් සමඟ එක්වීමේ අවස්ථාව දිනා ගන්නවා. ඉතින් ඊට පස්සේ එක පරීක්ෂකයෙක් ලොකු වැරැද්දක් කරනවා. මේ සෙට් එකේ කෙනෙකුත් වංචාවක් කරනවා. බයෙන් ඉන්න කෙනෙකුත් ඉන්නවා. අවසානේ මේ අය මොනවා කරගනීවිද, කී දෙනෙක් බේරෙයිද? කීයක් මැරෙයිද? මේක නියම එකක්. IMDB අගය 7.5ක්! තේරෙනවනේ මේකේ තත්වය. අනික මේක ගැන සැකයි නම් හොයන්න යූ ටියුබ් එකේ #සදහම් creations කියලා. ඒ චැනල් එකේ සිංහලෙන්ම තියෙයි ට්‍රේලර් එකක්.

අපේ සමිතේ බොස්, අංජුල බොස්, අශේන් බොස් වගේම සිනෙරූ ඇඩ්මින් සියල්ලෝම , මධුවා මල්ලී ඇතුලු සිනෙරූ පවුලේ හැමෝම, කමෙන්ට් හලන ටොප් ලෙවල් එකේ ඉඳන් සියලුම අපේ සිනෙරූ රසිකයන්වත් ආදරෙන් මතක් කරනවා. මගේ බිරිඳ, පුතා වගේම දේශාන් මල්ලිගේ පවුලේ හැමෝමත් ආදරෙන් මතක් කරනවා. අර චානක ආගිය අතක් නෑ. මැසේජ් එකකටවත් රිප්ලයි නෑ. කොරෝනා හැදිලා නීරෝධායනේට දාලද දන්නෙත් නෑ. ග්‍රීන් ……. සීරීස් එක අරන් එනවා කිව්වා, ඒත් මුකුත් තොරතුරක් නෑ. කට්ටියම එයාගෙන් අහලා බලන්න කමෙන්ට් එකක්වත් දාලා. අපිට හොරෙන් කසාදයක්වත් කොරගෙනද දන්නෙත් නෑ.

මේ දවස්වල රටේ තත්වය එච්චර හොඳ නෑ. චන්දෙට කලින් අපිට මාස්ක් පවා දුන්නු රජවරු, ඇමතිවරු, මැතිවරු, උපදේශකයෝ, දේශප්‍රේමියෝ එකෙක්වත් ආයේ ඊලඟ චන්දේ වෙනකල් එන්නේ නෑ. ඉතින් අපි අපේ ආරක්ෂාව බලන් පරිස්සමෙන් ඉමු. කල්ලි ගැහෙන්න එපා. ෆිල්ම් ඇති තරම් අපි දෙනවා. ගන්න, බලන්න, ගෙදර ඉන්න. මේ අපේ දේශාන් කොලුවගේ පළවෙනි කම්ප්ලීට් සීරීස් එක. ඉතින් මං අර කියනවා වගේ කමෙන්ට් එකක් දාන්න. එතකොටයි ඊලඟ එකට එන්න ආසා හිතෙන්නේ.

ඔන්න මං හිතන් ඉන්නේ ඊලඟ සතියේ රොබෝ යුධයක් ගේන්න. කම්ප්ලීට් සීරීස් එකක්. බලමුකෝ. කරදර දිගට හරහට එනවා. එහෙනම් ඉතින් ලිපිය පට්ට දිග උනා. කමක් නෑ. ඔන්න එහෙනම් අපි ලොක් ඩවුන් වෙනවා. ඊලඟ සබ අරන් එන්නම්, මතකයිනේ ගෙදර, ගෙදර, ගෙදරම ඉන්න. බුදු සරණ වේවා! සදහම් සරණ වේවා! සඟ සරණ වේවා! මෙතුන් සරණින් ජයම වේවා! හැමෝටම

Due to copyright issues we do not provide any torrent links

ඉහත ලබාදී ඇති සිංහල උපසිරැසිය වෙනුවෙන්
සිනෙරු කණ්ඩායම ට ස්තුතිය හිමිවිය යුතු අතර උපුටාගැනීම් ඔවුන්ගේ අවසරය මතම සිදුවිය යුතුයි.

සිනෙරු කණ්ඩායම

April 12, 2019

268

Total Subtitles

Subtitles