පීටර්, ජොනී සහ පිලිප් කියන්නේ කාරියාන් මාස්ටර්ගෙත් ග්‍රේසි නෝනගෙත් පුතාලා තුන්දෙනා. පීටර් වැඩිමලා, පිලිප් බාලයා; අපේ කතා නායකයා වන ජොනී මද්දුමයා. හැමෝම මිනිහට හරිම ආදරෙයි. හැමෝම ජොනීගේ හොඳ තමයි කියන්නේ. ජොනී කියන්නේ හරියට නිකන් හුළං වැදිලා නැති විස්කෝතු පෙට්ටියක් වගේ ඉන්න මනුස්සයෙක්! තමන්ගේ අහින්සක හිනාවෙනුයි හොඳ ගතිගුණ වලිනුයි ජොනී තමන්ගේ තාත්තගේ ඉඳලා පල්ලියේ ස්වාමි වෙනකන් මුලු ගමක්ම වසඟ කරගන්න සමත් වෙනවා; හැබැයි එක්කෙකෙක් ඇර….

2018 වසරේ තිරගත වුනු Johny Johny Yes Appa චිත්‍රපටය G. Marthandan මහත්තයගේ අධ්‍යක්ෂනයක්. පළවෙනි දින තුනේදි කෝටි තුනකට අධික ආදායමක් උපයාගැනීමට සමත්වෙලා තියනවා. ලංකාවේ වැඩිය උත්කර්ශයට නැගෙන්නේ නැති මලයාලම් නලුවෙක් වන Kunchacko Boban විසින් ප්‍රධාන චරිතය නිරූපණය කරනවා. ඔහු කේරළයෙත් වැඩිපුරම ප්‍රසිද්ධ පවුලේ සැමට නැරඹිය හැකි චිත්‍රපට වල රඟපාන නලුවෙක් විදියටයි. ඔහුට අමතරව අනූ සිතාරා, මම්තා මෝහන්දාස්, ලීනා, විජයරාඝවන් සහ විස්වාසම් චිත්‍රපටයේ අජිත්ගේ දුව විදියට රඟපාපු අනිඛා ඇතුලු දක්ශ පිරිසක් රංගනයෙන් දායක වෙලා තියනවා.

♠……විශේෂ ස්තූතියක් කළ යුතු පිරිසක් ඉන්නවා……♦

ඉස්සර වෙලාම පීටර් බාත්ලට් අයියව ඉතාම ගෞරවගෙන් මතක් කරනවා; ‘ඕන තරම් කාලයක් අරගෙන හරියට වැඩේ කරන්න’ කියලා අවස්ථාවක් ලබාදීම වෙනුවෙන් ඔහුට ගොඩක් ස්තූතිවන්ත වෙනවා. ඒ වගේම සචිත්, මදුශාන්, පසිඳු,  අසංක, මාෂල් ඇතුලු ටීවී සීරිස් ඇන්ඩ් මූවි කණ්ඩායමේ සියලුම සහෝදරයින්ටත් නෙත්මි නංගිටත් ස්තූතිවන්ත වෙනවා.

පොඩි පොඩි වැරදි අඩුපාඩු ඇති. වැරදීම මිනිස් ගතියක් සමාවදීම දේවගතියක් නිසා ඒ සියල්ලටම සමාව දීලා අදහස්, විවේචන, යෝජනා, චෝදනා ඔක්කොම කොමෙන්ට් එකක් විදියට සටහන් කරලා යන්න පුලුවන් නම් ගොඩක් වටිනවා.’