දැන් ඉතින් අනං මනං විස්තර කියෙව්වා අැති වගේ..අපි කතාව පැත්තට ටිකක් හැරිලා බලමු..මේ Bell Bottom ⁣ෆිල්ම් එකේ ප්‍රධාන කතා නායකයා තමයි දිවාකර් කියන්නේ…දිවාකර් කවුද කියලා දිවාකර්ගෙන් කවුරු හරි ඇහුවොත් උත්තරේ තමයි Detective Divakar එහෙමත් නැත්තන් සුද්ද සිංහලෙන් කිව්වොත් රහස් පරීක්ෂක දිවාකර්..දිවාකර්ට එයා Detective වුණාට ගමේ අයටනම් එයා Defective ( දෝෂ සහිත ) දිවාකර්ගේ තාත්තා තමයි අන්නප්පා..අන්නප්පා කියන්නේ මුඩ්ඩිනගෝපා පොලිස් ස්ටේෂන් එකේ ලේඛකයා..ඉතින් අන්නප්පට ඕන කරන්නේ දිවාකර්වත් පොලිස් නිළධාරියෙක් කරන්න..ඒත් දිවාකර්ට ඕන රහස් පරීක්ෂකයෙක් වෙන්න..ඉතින් කොහොමෙන් කොහොම හරි තාත්තා මුහුදේ පීනන්න හිතන් හිටිය දිවාකර්ව වතුර නැති ලිඳකට තල්ලුකරා වගේ මනුස්සයව පොලීසියේ ගුර්කා කෙනෙක් ( සාමාන්‍ය නිළධාරියා) කරවනවා..

ඉතින් දිවාකර්ට තියෙන්නේ පොලීසියේ අයට තේ ගේන්න වගේ සුලු සුලු රාජකාරී..මේ අතරේ අහම්බෙන් දිවාකර්ට අතුරුදහන් නඩුවක් විසඳන්න ලැබෙනවා..ඉතින් දිවාකර් තමන්ගේ රහස් පරීක්ෂක දැනුමත් පාවිච්චි කරලා මේ නඩුව සට ගාලා විසඳන්නේ ස්ටේෂන් එකේ ඉන්ස්පෙක්ටර්වත් කොර කරලා..⁣ඉතින් මේ අතරේ හේමගිරි පොලිස් ස්⁣ටේෂන් එකේ වගේම තවත් පොලිස් ස්ටේෂන් එකක නඩු භාණ්ඩ වගයක් අතුරුදහන් වෙනවා..කොහොමෙන් කොහොම හරි මේ නඩුව හසුරවන්න අපේ දිවාකර්ට අවස්ථාවක් ලැබෙනවා..ඔන්න ඔතනින් තමයි දිවාකර්ගේ චරිතය උඩු යටිකුරු වෙන්නේ…මුලදි විහිලුකාරයෙක් වගේ නරඹන්නා ඉදිරියට එන දිවාකර් මෙතනින් පස්සේ නියම රහස් පරීක්ෂකයකයෙක් වෙනවා..හැබැයි දිවාකර්ට වෙන අකර තැබ්බ වලනම් අඩුවක් වෙන්නෑ…මේ අතරේ දිවාකර් අපේ කතාවේ කතා නායිකාව වෙන කුසුමා එක්ක පලහිලව්වකුත් පටන් ගන්නවා…

ඉතින් මීට වඩා කතාව ගැන කිව්වොත් කිසි ගතියක් නෑ..ඔයාලම බලන්න රහස් පරීක්ෂක දිවාකර්ගේ ඉරණම කොහොම ලියවෙයිද කියලා… ෆිල්ම් එක ගැන තවත් දෙයක් කිව්වොත් මේක පටන් ගත්ත වෙලාවේ ඉදන් ඉවර වෙනකන්ම කම්මැලිකමක් නැතුව නරඹන්න පුලුවන්..මොකද මුලු ෆිල්ම් එකම විහිලුවෙන් තහලුවෙන් ගලාගෙන ගියාට ඇතුලෙන් සුපිරිම කුතුහලයකින් පිරුණු නියම ත්‍රිලර් ෆිලුමක්…කිසිම වෙලාවක විහිලුවලින් ත්‍රිලර් ටේස්ට් එක යටපත් වෙන්න ඉඩක් තියලා නෑ…ඉතින් හැමෝටම ආරාධනා කරනවා ෆිල්ම් එක රසවිඳලම බලන්න කියලා…

අවසාන වශයෙන් ෆිල්ම් එක වගේම උපසිරැසිය ගැනත් පොඩි සඳහනක් කරන්නම්..මේ ෆිල්ම් එකට නිකුත් වෙලා තිබ්බ ඉංග්‍රීසි උපසිරැසිය නිකුත් වෙලා තියෙන්නේ HDTV පිටපත් වලට..ඒකත් කවුරු හරි කෙනෙක් අසා ලියපු උපසිරැසියක්..මොකද මේ ෆිල්ම් එකටම නිකුත් වුණු ඉංග්‍රීසි උපසිරැසියක් අන්තර්ජාලයේ කොහෙන්වත් හොයාගන්න ලැබුණේ නෑ…අපි වගේම උපසිරැසිකරණයේ යෙදෙන කෙනෙක් අසා ලියපු E Sub එකක් නිසා ගොඩක් තැන් වල වැරදි තිබුණා..ඒත් කොහොම හරි ඒ වැරදි නිවැරදි කරලා පුලුවන් උපරිමෙන්ම නිවැරදි උපසිරැසියක් ඔයාලට ලබා දෙන්න උත්සාහ කරා..ඒ වගේම ෆිල්ම් එකේ ගීත වලට උපසිරැසි E sub එකේ නෑ..ඒත් ෆිලුමේ ප්‍රධාන ගීතයට මම මට හැකි විදියට අසා ලිවීමකින් ඒ ගීතයත් උපසිරැසි ගන්වලා තියනවා..ඉතින් මට පුලුවන් උපරිමෙන්ම ඔයාලට ගුණාත්මක සිංහල උපසිරැසියක් අරන් එන්න ලොකු උත්සාහයක් දැරුවා..සිංහල උපසිරැසියේ අඩුපාඩු තියනවනම් ඒවට ඔයාලගෙන් සමාව ඉල්ලනවා.. එහෙනම් ෆිල්ම් එක සිංහල උපසිරැසියත් එක්කම රසවිඳින්න ආරාධනා කරමින් අදට සමුගන්නවා..තවත් උපසිරැසියකින් හමුවෙමු…ඔයාලගේ අදහස් පහලින් කමෙන්ට් කරන්නත් අමතක කරන්න එපා…

හැමෝටම ජය වේවා..!! බුදු සරණයි..!!

සටහන :- අංජුල උමේෂ්