(Batman: Soul of the Dragon (2021) Sinhala Subtitles) ඔන්න ඉතින් උණු උණුවෙම 2021 ආව සබක් ගෙනාවා එහෙනම්. ඇවිල්ලා දවස් 2කයි තාම. ඔන්න සබ ගෙනාවා. පරක්කු වෙන්න හේතු 2ක් තිබ්බා.

01) මම මේ මොහොතේ ඉන්න තැනට ඩේටා සිග්නල් නෑ
02) මගේ PC එක නෑ, ටැබ් එක තමයි උදව් උනේ සබට

ඔන්න ඔහොමයි අපි සබ් ගේන්නේ ඔයාලා වෙනුවෙන්. මුලින්ම මං ස්තූති කතාව කරලා ඉන්නම්කෝ. මුලින්ම චානක තිලංක සහෝට ගොඩක් ස්තූතියි. මේ සබ මං කරන්න විදිහක් නැතුව ඉද්දී කිලෝමීටර් 14ක් දුරට ගිහින් ෆිලුම බාගෙන ඇවිත් මට දාලා දුන්නා. ඕනේ නම් ලයින් ටිකක් ගහලත් දෙන්නම් කිව්වා. අන්න එහෙමයි සිනෙරූ පවුල. ඉතින් චානෝ ස්තූතියි බං ගොඩක්ම. ඉක්මනින් 50 අරන් වරෙන් ඈ. හරි ඊලඟ සමිතේ සහෝ, මේ ෆිලුම මං අහද්දී එයා මට මැසේජ් එකක් එවලා “මං හිතුවා අයියා ඕක කරයි කියලා” කියලා. ඉතින් ඔන්න 2021 එන්න තිබ්බ, කොරෝනා නිසා 2022 එන බැට්මෑන් ෆිලුමට සබ් ගේන්නෙත් මං. එහෙන් එනකොට සෙනිකව පැය කීපයකින් සබ දෙන්නම්කෝ. හරිනේ. ඊලඟට අසේන්, මධුවා ඇතුලු සිනෙරූ පවුලටම ස්තූතියි මාව තියන් ඉන්නවට මේ සිනෙරූ පවුලේ. වැදගත්ම දෙන්නා තමයි මගේ චූටී, ඒ කිව්වේ මගේ බිරිඳ ලක්ෂ්මී සහ සදා හෙවත් මගේ සදහම් පුතා. දෙන්නම මට වඩේ, රටකජු, තේ සප්ලයි කරලා නිදි. ඉතින් මං සබ් ගහනවා. ගොඩක් ආදරෙයි ඔය දෙන්නට මං. ඒ වගේම ස්තූතියි.

හරි මේකේ බෲස්ගේ කතාව ටිකක් වෙනස්. මෙයා අපි අහලා තියෙන්නේ “රාස් අල් ගුල්”ගෙන් පුරුදු උනා කියලනේ. හැබැයි මේ කතාවේ එහෙම නෑ. අනික එයාගේ ටීම් එක නයිට්වින්ග්, රොබින්. බැට්වුමන් හෝ කැට්වුමන් නෙවෙයි ඉන්නේ. මේකේ තියෙන්නේ චීන/ජපන්/කොරියන් කතා හුරුවක්. ටිකක් අර බැට්මෑන් නින්ජා එකේ වගේ. ඒත් කතාව හරි පැහැදිලියි. මේකේ ඉන්නේ විශාල, දරුණු නාග ආත්මයක්. අර කැලණි ගඟෙන් ආව නයා වගේ නම් නෙවෙයි ඈ. මේකේ නයා ඉන්නේ හිර කරලා. බැටා සටන් ඉගෙන ගන්නේ කුංග්ෆු මාස්ටර් කෙනෙක්ගෙන්. එතන තව “තෝරාගත්” කට්ටියක් ඉන්නවා. එයාලා ඔක්කොම නරකද? හොඳද? කවුද කණ්ඩායම? නයා වෛරය ලෝකෙට මුදා හරියිද? නැත්නම් බැට්මෑන් මැරෙයිද? ඔයාලා බලලම දැනගන්න. ලෝකේ ශර්ලොක් හෝම්ස් හැරුනාම චිත්‍රපට වැඩිම ප්‍රමාණයක ඉන්න තනි චරිතේ තමයි බැට්මෑන්. ඉතින් මේ අසහාය චරිතේ රසවිඳින්න. ලස්සන කතාවක්. කපන කොටන ඒවා නම් අනිත් ඇනිමේශන් ඒවට වඩා පෙන්නනවා මේකේ. ඊලඟට “ද එක්ස්පන්ස්” 4 හා 5වෙනි එපි දෙන්නයි ලෑස්තිකරන් ඉන්නේ. මං ආයේ ටීවී සීරීස් පටන් ගන්නේ නෑ මේ ටික දෙනකන්. මොකද ටීවී සීරීස් 4ක් තියෙයි ඉවර කරන්න. ඒ වගේම “ට්‍රාන්ස්ෆෝර්මර්ස්, වෝර් ෆෝර් සයිබර්ට්‍රෝන්, අර්ත්‍ රයිස්” ඩවුන්ලෝඩ් කරගන්න. ඉරිදා විතර කම්ප්ලීට් සීසන් එකම දෙන්නම්. හරිනේ? එහෙනම් හැමෝටම බුදු සරණයි! සදහම් සරණයි! සඟ සරණයි! හැමෝටම කිව්වට බාර් කරන, වැලි හාරන, කැලෑ කපන, ගණිකාමඩම් කරන, රට විකුණන කිසි එකෙක් මේ “හැමෝටම” කියන කුලකයට අයිති නෑ හොඳේ !!!

Due to copyright issues we do not provide any torrent links

ඉහත ලබාදී ඇති සිංහල උපසිරැසිය වෙනුවෙන්
දර්ශන හෙට්ටිවත්ත සහෝදරයාට ස්තුතිය හිමිවිය යුතු අතර උපුටාගැනීම් ඔහුගේ අවසරය මතම සිදුවිය යුතුයි.

දර්ශන හෙට්ටිවත්ත

April 19, 2020

300

Total Subtitles

Subtitles