(Pushpa : The Rise (2021) Sinhala Subtitles) (Pushpa (2021) Sinhala Subtitles) (Pushpa (2021) Sinhala Sub) (Pushpa Sinhala Sub)

ආයුබෝවන් යාලුවො හැමෝටම ! ඔන්න ගොඩ දෙනෙක් අසාවෙන් හිටිය ෆිල්ම් එකකට උපසිරැසි අරගෙන තමයි මම සයිට් එකට ගොඩ උනේ.ඉතින් අද දවසෙ ගේන තුන්වෙනි තෙලිඟු ෆිල්ම් එක මේ.ඒ වගේම මගේ 250 වන සිංහල උපසිරැසිය තමයි මේක.ඉතින් දැන්නම් ඉස්සෙල්ලා වගේ උපසිරැසි දෙන්න අමාරුයි කාලය ප්‍රශ්නයක් නිසා.ඒත් ඉතින් පුලුවන් හැම වෙලේම සබ් එකක් අරගෙන එන්නම්.

උපසිරැසි 250 ක් කරන්න නම් හීනෙකින්වත් හිතුවෙ නෑ.ඉතින් සමිත් අයිය ඇතුළු ඇඩ්මින් මඩුල්ලටත් , උපසිරැසි කන්ඩායමේ සහෝදරයන්ට වගේම ඔය හැමෝටමත් , ජේෂ්ඨ උපසිරැසි සහෝදරවරුටත් බොහොම ස්තූතියි දුන්න සහයෝගයට.

හරි අපි හැරෙමු ෆිල්ම් එක පැත්තට.Pushpa : The Rise කියල ඔයාලට මේ ගේන්නෙ පලවෙනි ෆිල්ම් එක.ඒ කියන්නෙ මේකෙ තව කොටසක් එනව.ෆිල්ම් එක Action | Drama කාන්ඩයට අයත් එකක් වගේම ධාවන කාලය පැය තුනකට ආසන්නයි.ඉතින් කොවිඩ් අස්සෙ බොහොම අමාරුවෙන් ෂූටින් ඉවරකරගත්ත පුෂ්පා ෆිල්ම් එක ගිය අවුරුද්දේ දෙසැම්බර් 17 තමයි රිලීස් උනේ.ඒ Pan India චිත්‍රපටයක් විදියට.ඒ කියන්නෙ මේක භාෂා පහකින් නිකුත් උනා.මෑත කාලීනව රංගස්තලාම් වැනි සුපිරි ෆිල්ම් එකක් තෙලිඟු සිනමාවට දායාද කල Sukumar තමයි මේක අධ්‍යක්ෂණය කරන්නෙ.ඒ වගේම සංගීතය සපන්නේ DSP විසින්.ඒ වගේම චිත්‍රපටය නිෂ්පාදන කෙරුනේ Mythri Movie Makers බැනරය යටතේ.

චිත්‍රපටයට රංගන දායකත්වය සපයන්නෙ ජනප්‍රිය තෙලිඟු නලු Allu Arjun විසින්.ප්‍රධාන නිලිය වෙන්නෙ Rashmika Mandanna.ඊට අමතරව මලයාලම් නලු Fahadh Faasil ද මෙහි රංගනයෙන් එක් වෙනවා.

ඉතින් අවසාන වතාවට 2020 දී AlaVaikunthapuramulo චිත්‍රපටයෙ රංගනයේ යෙදුනු අල්ලු අර්ජුන් කෝටි 250 ඉක්මවූ ආදායමක් ලබමින් ඒ චිත්‍රපටය වෙනුවෙ ඉහලම සාර්ථකත්වයක් අත් කරගත්තා මතකයිනේ.ඒ අනුව තුන්වන වරට එකතුවෙන මේ අල්ලු + සුකුමාර් සංයෝගය ලොකුම බලාපොරොත්තු ඇතිව තමා ෆිල්ම් එක රිලීස් කලේ.මොකද විෂේශත්වය මේක Pan India ෆිල්ම් එකක් වීම නිසාත්.ඉතින් කොහොමහරි හොද ආරම්භයක් ලබාගත් පුෂ්පා චිත්‍රපටය මේ වෙනකොටත් තිරගත වෙමින් ඉන්දියානු රුපියල් කෝටි 300 ඉක්මවූ ආදායමක් උපයාගෙන තිබෙනවා.මේකෙ ලොකුම විෂේශත්වය කියන්නෙ සාමාන්‍යයෙන් හින්දි අය අතර ජනප්‍රිය නොවන තෙලිඟු ෆිල්ම් අතරේ මේක ඉමහත් ප්‍රේක්ෂක ආකර්ශනයක් දිනාගන්න සමත් උනා.ඒ අදාල ප්‍රාන්ත වල කොරෝනා නිසා සීමා පනවා තිබියදීත් ..

ඔන්න ඒ වගේම අපි මෙච්චර දවසක් Stylish Star කියපු අල්ලුට මේ ෆිල්ම් එකෙන් Icon Star කියන නමත් ලැබුනා.ඉතින් මින් ඉදිරියට් ඔහු Icon Star නමින් තමා හඳුන්වන්නෙ.ඉන්දියානු රුපියල් කෝටි 200-250 අතර මුදලක් චිත්‍රපටය වෙනුවෙන් වැයකරල තියෙනවා.මම  කලිනුත් කිව්ව වගේ Arya , Arya 2 චිත්‍රපටි වලට පස්සෙ අධ්‍යක්ෂක සුකුමාර් සහ අල්ලු එක්ව වැඩ කරන තුන්වෙනි ෆිල්ම් එක මේක.

2020 අප්‍රේල් 8 තමයි ෆිල්ම් එකේ නම නිවේදනය කලේ.එදිනට යෙදෙන අල්ලුගෙ උපන්දිනය වෙනුවෙන් චිත්‍රපටයේ පලමු පෝස්ටරය අන්තර්ජාලයට නිකුත් කෙරුනා.

ඊට පස්සෙ එකින් එක චිත්‍රපටය ගැන තොරතුරු අනාවරණය වෙමින් ගිහින් 2021 අප්‍රේල් 7 නැවත අල්ලුගෙ උපන්දිනේ දවසෙ Teaser පටය නිකුත් කෙරුනා.එතනින් ටීසර් පටයේ අන්තර්ගත වුනු ” තග්ග්ගේදේ ලේ ” දෙබස මේ දක්වාම මේ චිත්‍රපටයේ කී ඩයලොග් එක බවට පත් උනා.ඉතින් මේ කටයුතු මෙහෙම කෙරෙන්නෙ කොරෝන වලින් එන ලොකු බාධාව මැද්දෙ.අවසානෙට 2021 දෙසැම්බර් 6 චිත්‍රපටයේ Trailer එක නිකුත් වීමත් සමඟ රසික උන්මාදය තවත් වැඩි උනා.ඒ අතරෙම උන තවත් සිදුවීමක් තමයි චිත්‍රපටයේ අඩංගු “O Antava ” කියන ගීතයට ආරාධිත නර්තනයක් ඉදිරිපත් කරන්න සමන්තාගේ කැදවීම.මේකත් චිත්‍රපටයේ ජනප්‍රියත්වයට ඉවහල් උන තව හේතුවක්.

ඉතින් ඔය විදියට තමයි චිත්‍රපටය ගලාගෙන ආවේ.කියනවනම් තවමේක ගැන කියන්න ඕන තරම් දේවල් තියෙයි.

චිත්‍රපටයේ කතාව ගැන නම් අමුතුවෙන් මොකුත් කියන යන්නෑ.චිත්‍රපටයේම එන දෙබසකින් මෙහෙම කියන්නම්.

මුලු ලෝකෙන්ම රත් හදුන් හම්බෙන එකම එක තැන ..සෑසාචලම් වනාතරය..
ඒකයි මේවා මෙච්චර ගනන්…
ඇත්තම කතාව රත් හදුන් ගැනත් නෙමෙයි…
මේ සමූහ ජාවරමේ දියුනු වුනු කුලීකාරයෙක් ගැන..
කුලීකාරයෙක් කියලා සැහැල්ලුවට ගන්න එපා..
ඔයා වගේ අය මම වගේ අය ඕන දිහාවක ඉන්නවා..
එයා වගේ අය..
රත් හදුන් වගේ දුර්ලභවයි ඉන්නේ..

එහෙනම් මෙතැන් සිට ඔයාලට බාරයි සිංහල උපසිරැසි සමඟ රසවිඳින්න පුෂ්ප රාජ්ගේ වැඩකිඩ.දිගටම හැමෝගෙම සහයෝගය දෙන්න අපේ වෙබ් අඩවියට.ඔයාල තමා අපේ ශක්තිය.

ඔබට ජය ! 

Due to copyright issues we do not provide any torrent links

සිංහල උපසිරැසි |Loading...|