(The Magic Faraway Tree (2026) Sinhala Subtitles) (The Magic Faraway Tree (2026) Sinhala Subtitle) (The Magic Faraway Tree (2026) Sinhala Sub)

ඔන්න ඉතින් අපේ ළමා කාලය ලස්සන කරපු, Enid Blyton ගේ සුප්‍රසිද්ධ කතා මාලාවක් වුණු “The Magic Faraway Tree” දැන් ලස්සන ෆිල්ම් එකක් විදියට අපිට බලන්න ලැබෙන්නයි යන්නේ. 2026 අවුරුද්දේ රිලීස් වෙන්න නියමිත මේ ෆිල්ම් එක ගැන, පොඩි කාලේ මේ පොත් කියවපු ගොඩක් දෙනෙක් දැන් ඉඳලම ලොකු උනන්දුවකින් මඟ බලාගෙන ඉන්නවා.

මෙන්න මේ අලුත් චිත්‍රපටය ගැන දැනගන්න ඕනේ වැදගත්ම විස්තර ටිකක්:

🎬 ෆිල්ම් එක පිටිපස්සේ ඉන්න දැවැන්තයෝ

මේ ෆිල්ම් එකේ තිර රචනය (Script) කරලා තියෙන්නේ සුප්‍රසිද්ධ ‘Paddington 2’ සහ ‘Wonka’ වගේ ලස්සන ෆිල්ම් වල ස්ක්‍රිප්ට් එක ලියපු Simon Farnaby. ඉතින් ඒ නිසාම මේ කතාවේ කොලිටි එක ගැන අපිට ලොකු විශ්වාසයක් තියාගන්න පුළුවන්. අධ්‍යක්ෂණය කරන්නේ Ben Gregor විසිනුයි.

මේ ෆිල්ම් එකේ ප්‍රධාන චරිත වලට ගොඩක් ජනප්‍රිය නළු නිළියෝ පිරිසක් එකතු වෙලා ඉන්නවා.

• Andrew Garfield: අපි කවුරුත් දන්න ‘Spider-Man’ මේකේ රඟපාන්නේ ළමයි තුන්දෙනාගේ තාත්තා (Tim) විදියටයි.

• Claire Foy: ‘The Crown’ සීරීස් එකෙන් ලෝකෙම ආදරය දිනාගත්තු ඇය මෙහි අම්මා (Polly) විදියට රඟපානවා.

• Nicola Coughlan: ‘Bridgerton’ සීරීස් එකේ ජනප්‍රිය වුණු ඇය, අපේ කතාවේ ඉන්න ලස්සන සුරංගනාවියක් වුණු Silky ගේ චරිතයට පණ පොවනවා.

• Nonso Anozie: කතාවේ ඉන්න තවත් ජනප්‍රියම චරිතයක් වුණු Moon-Face විදියට රඟපාන්නේ මෙයා තමයි.

📖 කතාව යන්නේ කොහොමද?

පොතේ කතාව වගේම තමයි, නූතන පවුලක් (අම්මා, තාත්තා සහ ළමයි තුන්දෙනා) නගරයේ තියෙන කාර්යබහුල ජීවිතෙන් ටිකක් ඈත් වෙලා ඈත ගම්බද පළාතකට පදිංචියට එනවා. එහෙදි මේ ළමයින්ට අද්භූත කැලේ මැද තියෙන අරුම පුදුම මායා ගහක් (Magic Faraway Tree) හොයාගන්න ලැබෙනවා.

මේ ගහේ අතු අතරේ අමුතු අමුතු යාළුවෝ ජීවත් වෙනවා වගේම, ගහේ උඩටම යද්දි දවසින් දවස වෙනස් වෙන එක එක විදියේ මායා ලෝක වලට යන්න පුළුවන්. ඉතින් මේ ළමයි ඒ මායා ලෝක වලට ගිහින් කරන වික්‍රමාන්විත දේවල් තමයි ෆිල්ම් එකේ තියෙන්නේ.

Due to copyright issues we do not provide any torrent links

සිංහල උපසිරැසි |Loading...|