(Muthu Alias Kaattaan (2026) Sinhala Subtitles) (Muthu Alias Kaattaan (2026) Sinhala Subtitle) (Muthu Alias Kaattaan (2026) Sinhala Sub)

කතාව පටන් ගන්නේ හරිම අමුතු, කුතුහලය දනවන විදිහකට. දකුණු ඉන්දියාවේ හරිම නිස්කලංක ගම්මානයක තියෙන පොලිස් ස්ටේෂන් එකක්, අපරාධ කිසිවක් වාර්තා නොවන නිසාම වහලා දාන්න තීරණය කරලා තියෙනවා. ඔය අතරේ තමයි කන්දක් උඩ තිබිලා කඳ නැති මිනිස් හිසක් (severed head) හම්බවෙන්නේ.

මේ හිස අයිති “මුතු” (විජේ සේතුපති) කියන අද්භූත පුද්ගලයාට බව හඳුනාගන්නවා. තමන්ගේ රැකියාව නැතිවෙයි කියන බයට, මේ ගමේ ඉන්න පොලිස් නිලධාරීන් කෙසේ හෝ මේ මරණය ගැන විමර්ශනය කරන්න පටන් ගන්නවා.

මේක නිකම්ම නිකන් මිනීමරුවා පස්සේ පන්නන වේගවත් (fast-paced) කතාවක් නෙවෙයි. පොලිසිය මේ ගැන හොයාගෙන යද්දී, ගමේ සාමාන්‍ය මිනිස්සුන්ගේ ජීවිතත් එක්ක මුතුගේ ජීවිතය කොයිතරම් බැඳිලා තිබුණද කියලා හිමීට දිගහැරෙනවා.

එක එක්කෙනා කතාව කියන විදිහට මුතු කියන චරිතය සමහරුන්ට වීරයෙක්, සමහරුන්ට යක්ෂයෙක්, තවත් අයට හාස්කමක් විදිහටයි මැවිලා පේන්නේ. ග්‍රාමීය පසුබිමක, සාමාන්‍ය ගැමි ජීවිතයේ තියෙන සංවේදී කාරණාත් මේ අභිරහස අස්සෙන් හරිම ලස්සනට පෙන්නුම් කරනවා.

• අධ්‍යක්ෂණය: කොටස් 10කින් සමන්විත මේ සීරීස් එක අධ්‍යක්ෂණය කරලා තියෙන්නේ ‘Kadaisi Vivasayi’ වැනි විශිෂ්ඨ නිර්මාණ හරහා ජාතික සම්මාන දිනාගත් M. Manikandan සහ B. Ajith Kumar විසිනුයි.

• රංගනය: විජේ සේතුපතිගේ සුපුරුදු නිහඬ, නමුත් ප්‍රබල රංගනය මෙහි අලංකාරය තවත් වැඩි කරනවා. ඊට අමතරව Milind Soman, Sudev Nair, Vadivel Murugan වගේ නළු නිළියන් රැසක් මීට දායක වෙනවා.

• භාෂාව: දෙමළ බසින් නිර්මාණය වුණත්, මෙය තෙළිඟු, මලයාලම් ඇතුළු තවත් භාෂා කිහිපයකින්ම (හඬකැවීම් සහිතව) නරඹන්න පුළුවන්.

Due to copyright issues we do not provide any torrent links

සිංහල උපසිරැසි |Loading...|