මේ කතා මාලාවේ පළවෙනි කොටසෙන් මොකක්ද වෙන්නේ කියලා අපි බලමු, මේ කොටසෙදි වෙන්නේ හොස්ට් ස්පයිඩර්ගේ හොඳම යාළුවා උන කෙවින්ව මරපු මිනීමරුවාව හොයාගන්න ගිහිල්ලා හොස්ට් ස්පයිඩර්ට ලොකු කරදරයකට මුහුන දෙන්න සිද්ද වෙනවා. ඔය අතරෙදි ඇයව අල්ලා ගන්න නියෝජිතයන් දෙදෙනෙකු පැමිණෙනවා. අවසානයේදී ග්වෙන් එහෙම නැතිනම් හොස්ට් ස්පයිඩර් යාළුවන් එක්ක සංගීත කණ්ඩායමේ පුහුණුවීම් සිදුකරනවා. ඒ විදිහට ඒ කොටස අවසන් වෙනවා…………….

දෙවෙනි කොටසෙදී, ග්වෙන්ලාගේ සංගීත කණ්ඩායමේ පුහුණුවීම් හදිස්සියේම නතර කරනවා. ඊට පස්සේ එක් යාළුවෙකු හැර අනිත් දෙන්නම ගෙදර යනවා. ඒ දෙන්නගේ කතා බහා අතර තුර ග්වෙන්ට පරන මතකයන් මතක් වෙනවා. ඇයත් එතනින් ගියාට පස්සේ ග්වෙන් ආපහු හොස්ට් ස්පයිඩර් වෙලා එයාගේ මිතුරාගේ මිනීමරුවාව හොයාගන්න පිටත් වෙනවා, ඔය අතරෙදි මං කලින් කිව්ව නියෝජිතයන් දෙදෙනා අතර හිටිය නියෝජිත ලූකස් ඇයට පහර දෙනවා හැබැයි කොහොම හරි ඇය එතනින් පැනලා යනවා. ඔය විදිහට ඒ කොටසත් අවසන් වෙනවා…..

තුන්වෙනි කොටසෙන් සිද්ද වෙන්නේ, හොස්ට් ස්පයිඩර්ට තවත් අළුත් සුපිරි වීරයින් දෙදෙනෙකු මුණ ගැහෙනවා, එතනදි හොස්ට් ස්පයිඩර්ට ලොකු කරදරයකට මුහුණ දෙන්නත් සිද්ද වෙනවා. අවසානයේදී ඒ දෙදෙනා එක්ක හොස්ට් ස්පයිඩර් රංඩුවකට පැටලෙනවා. එහෙම තමයි ඒක ඉවර උනේ.

හතරවෙනි කොටසෙදී, ඒ සුපිරි වීරයන් එක්ක හොස්ට් ස්පයිඩර් දරුණු විදිහට සටන් කරනවා කොහොම හරි හොස්ට් ස්පයිඩර්  ඔවුන් දෙන්නව හිර කරලා එතනින් පැනගන්න උත්සාහ ගන්නවා, ඒත් ඔවුන් දෙන්නා ඒකෙන් ගැලවෙනවා. ඊට පස්සේ ආපහු හොස්ට් ස්පයිඩර්ට පහර දෙනවා. හොස්ට් ස්පයිඩර් ඒ දෙන්නව නතර කරන්න කොච්චර උත්සාහ ගත්තත් ඒක හරියන්නේ නෑ, අවසානයේදී කොහොම හරි හොස්ට් ස්පයිඩර්ව ඒ දෙන්නට අහු වෙනවා. ඔය විදිහට ඒ එපිය අවසන් වෙනවා.

පස්වෙනි කොටසේදී, හොස්ට් ස්පයිඩර්ව අහු උනාට පස්සේ ඇයගේ විස්තර අර සුපිරි වීරයින් දෙන්නා අහනවා. එතනදී හොස්ට් ස්පයිඩර් ඇය කවුද, ඇය මොනවා ගැනද හොයන්නේ කියන දේවල් ඔවුන්ට කියනවා. කොහොම හරි ඔවුන් හොස්ට් ස්පයිඩර් කියපු දේවල් විස්වාස කරලා ඇයගේ මිතුරන් බවට පත්වෙනවා. ඔය අතරෙදී හොස්ට් ස්පයිඩර්ට කලින් පහර දුන්න නියෝජිත ලූකස් ඇයව හොයාගෙන එනවා, ඒ නිසා හොස්ට් ස්පයිඩර් එතනින් පැනලා යනවා. ඔය විදිහට ඒකත් ඉවර වෙනවා.

අවසාන කොටසෙදී, නියෝජිත ලූකස් හොස්ට් ස්පයිඩර්ව හොයාගන්නවා, එතනදී ඇය පැනලා යන්න උත්සාහ ගන්නවා ඒත්  නියෝජිත ලූකස් ඇයට පැනලා යන්න ඉඩ දෙන්නේ නෑ, ඔවුන් දෙදෙනා අතර සටනක් ඇති වෙනවා, ඔය අතරෙදී ජොන්සන් නමැති අනිත් නියෝජිතවරිය පැමිණෙනවා, ඇයගේ පහරදීම නිසා හොස්ට් ස්පයිඩර් අහු වෙනවා. ඊට පස්සේ හොස්ට් ස්පයිඩර්ව කැප්ටන් ස්ටේසි ළඟට අරගෙන යනවා. කොහොම හරි ජොන්සන් නියෝජිතවරියගේ උදව්ව නිසාවෙන් හොස්ට් ස්පයිඩර් එතනින් පැනගන්නවා. අවසානයේ මොකක්ද වෙන්නේ, හොස්ට් ස්පයිඩර්ට මොන වගේ අභියෝගද එන්නේ කියලා දැනගන්න නම් මේ කතා මාලාව අරගෙනම බලන්න වෙනවා.