(The Woman in Cabin 10 (2025) Sinhala Subtitles) The Woman in Cabin 10 (2025) Sinhala Subtitle) (The Woman in Cabin 10 (2025) Sinhala Sub)

සුභ දවසක් යාළුවනේ,

ඔන්න මම අද උපසිරුසි පිටපතක් අරන් ආවේ 2025 ඔක්තෝබර් 10 වන දින තිරගත කිරීම් ආරම්භ වුණු “කැබින් දහයේ කාන්තාව” (The Woman in Cabin 10) කියන අලුත්ම ඉංග්‍රීසි ත්‍රාසජනක චිත්‍රපටය පිළිබඳ කතා කරන්නයි. සයිමන් ස්ටෝන්ගේ අධ්‍යක්ෂණයෙන් හැඩවුණු මේ චිත්‍රපටය, ලෝක ප්‍රකට නවකතාකාරියක වන රූත් වේර් ගේ පොතක් ඇසුරින් නිර්මාණය වූවක්.

මෙහි ප්‍රධාන චරිතයට කීරා නයිට්ලි (Keira Knightley) පණ පොවන අතර, සුප්‍රසිද්ධ නළු ගයි පියර්ස් (Guy Pearce) ඇතුළු විශාල නළු නිළි පිරිසක් රංගනයෙන් දායක වෙනවා. චිත්‍රපටයේ ධාවන කාලය පැය 1යි මිනිත්තු 35කට ආසන්නයි. මේ චිත්‍රපටය මනෝවිද්‍යාත්මක ත්‍රාසජනක (Psychological Thriller) ගණය යටතේ වර්ගීකරණය කරන්න පුළුවන්.

කතාව දෙසට හැරෙමු
සුඛෝපභෝගී යාත්‍රාවක විශේෂ මාධ්‍ය පැවරුමක් සඳහා යන ලෝ බ්ලැක්ලොක් (Lo Blacklock) නම් පරීක්ෂණාත්මක මාධ්‍යවේදිනියකට මුහුද මැදදී භයානක දසුනක් දැකගන්න ලැබෙනවා. ඒ යාත්‍රාවේ සිටි මගියෙක් මුහුදට තල්ලු කර දමන ආකාරයයි. නමුත් ඇය මේ බව දැනුම් දුන් විට යාත්‍රාවේ සියලු දෙනාම ඇයව විශ්වාස කරන්නේ නැහැ. සියලු මගීන් සිටින බව කාර්ය මණ්ඩලය පවසද්දී, තමා දුටු දේ සත්‍යයක් බව ඔප්පු කිරීමට ඇය ජීවිත අවදානමක් ගෙන සත්‍යය සොයා යාමට තීරණය කරනවා.

මගේ අදහස
චිත්‍රපටයේ ඇති මූලික සංකල්පය සිත්ගන්නා සුළුයි. මෙහි ප්‍රධාන චරිතය ඇතුළුව සෑම චරිතයක්ම යම් තරමකට අපැහැදිලි ලෙස ගොඩනැගීම, කතාව අවසානය තෙක්ම කුතුහලයෙන් තබා ගැනීමට සමත් වෙනවා.

නමුත් ආරම්භයේදී චරිත හඳුන්වා දීමට හා පසුබිම සැකසීමට අනවශ්‍ය ලෙස දිගු කාලයක් ගැනීම මඳක් කම්මැලි සහගතයි. චරිත ගොඩනැඟීම හෙමින් කළ යුතුව තිබුණත්, මෙහිදී බොහෝ චරිත තේරුම් ගැනීමට පහසු (flat) ස්වභාවයක් ගන්නවා. ඒ වගේම, අපිට හුරුපුරුදු ත්‍රාසජනක චිත්‍රපටවල පැරණි අංග (clichés) වැඩියෙන් භාවිත කර තිබීමත් කැපී පෙනෙනවා. කතාවේ ආතතිය (tension) අවශ්‍ය තරම් දැනෙන්නේ නැහැ.

රංගන ශිල්පීන්ගේ දායකත්වය සහ අනෙකුත් තාක්ෂණික අංශ සාමාන්‍ය මට්ටමේ තිබුණත්, චිත්‍රපටයේ නිෂ්පාදනය, තිර රචනය සහ අධ්‍යක්ෂණය මීට වඩා හොඳින් සිදු කිරීමට තිබූ අවස්ථා මග හැරී ඇති බවක් මට දැනුණා.

ඔයා මේ වගේ චිත්‍රපටවලට ආස නම් THE WOMEN IN CABIN 10 චිත්‍රපටය බලන්න කියලා ආරාධනා කරනවා, අලුත් උපසිරුසි පිටපතකින් නැවත හම්බවෙමු,සුභ දවක

Due to copyright issues we do not provide any torrent links

සිංහල උපසිරැසි |Loading...|