(The Astronaut (2025) Sinhala Subtitles) (The Astronaut (2025) Sinhala Subtitle) (The Astronaut (2025) Sinhala Sub)

හායි යාලුවනේ! කොහොමද ඔයාලට? අද මං ඔයාලට අරගෙන ආවේ අලුත්ම විද්‍යා ප්‍රබන්ධ ත්‍රාසජනක චිත්‍රපටයකට සිංහල උපසිරුසි නිර්මාණය . ඒ තමයි The Astronaut (2025)

මේ චිත්‍රපටයේ කතාව ගෙතෙන්නේ ඇයගේ පළමු අභ්‍යවකාශ මෙහෙයුමෙන් පසුව පෘථිවියට කඩා වැටෙන නාසා ආයතනයේ ගගනගාමිනියක් වන සෑම් වෝකර් (Kate Mara) වටා. ඇයව පැසිෆික් සාගරයේ තිබී බේරා ගන්නා අතර, ඇයව පුනරුත්ථාපනය හා වෛද්‍ය පරීක්ෂණ සඳහා නාසා ආයතනයේ දැඩි අධීක්ෂණය යටතේ හුදකලා නිවසක රඳවා තබනවා.

ඒත්… සෑම්ගේ ආපසු පැමිණීම සාමාන්‍ය දෙයක් නෙවෙයි. ඇගේ කැප්සියුලයේ අමුතු විදියේ සිදුරක් තිබී සොයාගැනෙනවා. මේ අතරතුර සෑම්ට අමුතු සිදුවීම් සහ දර්ශන අත්විඳින්නට පටන් ගන්නවා. ඇයට සෙවණැලි වගේ රූප පෙනෙන්නට පටන් ගන්නවා, අත්විඳින තැලීම් වැඩිවෙන්න පටන් ගන්නවා.

ඇය නැවත ගෙන ආවේ පිටසක්වල ජීවියෙක් කියන සැකය සෑම්ගේ හිතට එනවා. මේ සියල්ල ඇයගේ මනසේ නිර්මාණයන් වෙන්න පුළුවන්ද? නැතිනම් ඇය සමඟ සත්‍ය වශයෙන්ම අභ්‍යවකාශයෙන් යමක් ආවද? ඇගේ පියා වන ජෙනරාල් විලියම් හැරිස් (Laurence Fishburne) ඇයව නිරන්තරයෙන් නිරීක්ෂණය කරන නිසාත්, සෑම් තව තවත් තනිවීමකට ලක් වෙනවා. මේ හුදකලාව තුළ ඇයට ඇගේ අමුතු අද්භූත බලයන් ලැබෙන්නේ කොහොමද? මේ සිදුවීම් පිටුපස තියෙන ඇත්ත කතාව මොකක්ද?

Jess Varley විසින් අධ්‍යක්ෂණය කර රචනා කරන ලද මේ චිත්‍රපටය මුලින්ම විද්‍යා ප්‍රබන්ධ ත්‍රාසජනක ගණයට අයත් වුණත්, ත්‍රාසය, අද්භූතභාවය සහ හුදෙකලාවේ බිය ගෙන දෙන අත්දැකීමක් නරඹන්නාට ලබා දෙනවා. කේට් මාරාගේ රංගනය සහ තනිකම උද්දීපනය කරන සිනමා රූප රාමු මේ චිත්‍රපටයේ විශේෂත්වයක්.

කෙසේ වෙතත්, ඇතැම් විචාරකයන් පවසන විදිහට, චිත්‍රපටයේ අවසානය සහ එහි අඩංගු ‘විශාල පෙරළිය’ (big twist) සමහර විට නරඹන්නන්ගේ අපේක්ෂාවන් කඩ කරන්නට පුළුවන්. ඒ වගේම අවසාන මොහොතේ ඇතිවන පරිවර්තනයන් සඳහා භාවිත කර ඇති විශේෂ ප්‍රයෝග (Visual Effects) වල දුර්වලතාත් පෙන්වා දීලා තියෙනවා. තවත් සමහර අය පවසන්නේ, චිත්‍රපටය නරඹන්නා තනි කරමින් ප්‍රශ්න රාශියක් ඉතිරි කර අවසන් වන බවයි.

ඔයාලත්, අභ්‍යවකාශය හා පිටසක්වල ජීවීන් ගැන කතාවලට, ඒ වගේම හුදකලාවේ සහ කුතුහලයේ ගලා යන ත්‍රාසජනක චිත්‍රපටවලට කැමති කෙනෙක් නම්, The Astronaut චිත්‍රපටය ඔයාලට රසවිඳින්න පුළුවන් වෙයි.

මීට වඩා මේ කතාව ඔයාලට කියලා කුතුහලය නැති කරන්න මගේ අදහසක් නෑ. The Astronaut චිත්‍රපටයේ අවසානය දැනගන්න එක ඔයාලට බාරයි.

ඔයාලට සුබ දවසක්! ජය වේවා!

Due to copyright issues we do not provide any torrent links

සිංහල උපසිරැසි |Loading...|