(Saripodhaa Sanivaaram (2024) Sinhala Subtitles) (Saripodhaa Sanivaaram (2024) Sinhala Sub) Saripodhaa Sanivaaram Sinhala Subtitle) (Saripodhaa Sanivaaram Sinhala Sub)

සුභ දවසක් හැමෝටම,

තෙළුගු සිනමාවට කාලෙන් කාලෙට වෙනස්ම සිනමාකෘති ගේන නැචුරල් ස්ටාර් නානි මේ පාර ඇක්ෂන් ත්‍රිලර් ශානරයට අයිති වෙන බලද්දි අපේ ඇගෙත් ලේ රත් වෙන ගින්දර ෆිල්ම් එකක් ගෙනල්ලා තියෙනවා. විවේක් අත්‍රෙයාගේ තිර රචනයෙන් හා අධ්‍යක්ෂනයෙන් හැඩවෙන සරිපෝදා සනිවාරම් එහෙමත් නැත්නම් සූර්යාගේ සෙනසුරාදා ෆිල්ම් එක පසුගිය අගෝස්තු 29 වෙනිදා සාර්ථකව තිරගතකිරීම් අරඹනු ලැබුවා

නැචුරල් ස්ටාර් නානිගේ 31 වෙනි සිනමාපටය ලෙසින් දිගහැරෙන මේ ෆිල්ම් එකට පැය 2 යි විනාඩි 55 ක ධාවන කාලයක් හිමි අතර ඉන්දීය රු. කෝටි 90 ක පිරිවැයකින් නිමැවුනු මේ ෆිල්ම් එක තිරගතකිරීම් අවසානයේ ඉන්දීය රු. කෝටි 107 ක ආදායමක් ලබා ගනිමින්.. මේ ෆිල්ම් එකට #HIT ලේබලය අලවාගන්නට සමත් වෙනවා.. කෙසේ වෙතත් අපිට මේ ෆිල්ම් එකට සිනමා විචාරකයින්ගෙන් හිමිවෙලා තිබුනේ මිශ්‍ර සිනමා ප්‍රේක්ෂක ප්‍රතිචාර

චිත්‍රපටයේ කාස්ට් එක ගැන බැලුවොත්.. ප්‍රියංකා අරුල් මෝහන්.. නැචුරල් ස්ටාර් නානි එක්ක සම්බන්ධ වෙන දෙවෙනි අවස්ථාව තමයි මේ.. මීට කලින් 2019 ආපු නානිගේ ගෑන්ග් ලීඩර් ෆිල්ම් එකෙත් හිටියේ මෙයාම තමයි. මීට අමතරව චිත්‍රපටයේ විලන් කැරැක්ටර් එක අයියා මලෝ දෙන්නෙක්ට ගිහින් තියෙනවා.. එස්.ජේ සූර්යා සමගින් මුරලි ෂර්මා චිත්‍රපටයට කොමඩි ජවනිකා එක්ක වෙනස්ම රහක් එක් කරලා තියෙනවා බලාගන්න පුලුවන්

හරි එහෙනම් අපි කතාව පැත්තට හැරුණොත් ,

Natural Star : Nani – [සූර්යා]
Priyanka Mohan – [චාරුලතා]
S. J. Suryah – [දයානන්ද]
Murali Sharma – [කුර්මානන්ද]

මේ කතාවේ පසුබිම ගැන විපරම් කළොත් සූර්යකාන්තම් එහෙමත් නැත්නම් සූර්යා කියන්නේ පවුලේ බාලයා.. අම්මා තාත්තට අමතරව මෙයාට තව අක්කා කෙනෙකුත් ඉන්නවා, සූර්යාගේ අම්මා තමයි චායාදේවි එහෙමත් නැත්නම් චායා.. චායා කියන්නේ තද ගති තියෙන අසාධාරණය ඉවසන්නෙ නැති කෙනෙක්. ඒත් මොකක්දෝ මන්දා කරුමෙකට චායාට අසනීපයක් තියෙනවා. ඒත් එයා ඒක දරුවන්ට දැනෙන්න දුන්නෙ නෑ.. මේ අතරම සූර්යාටත් නුරුස්සන ගතියක් තිබුනා.. ඒ තමයි එයා හැමදේටම කේන්ති ගන්න එක.. මෙයාගේ මේ නිතරම කේන්ති ගන්න වැරදි පුරුද්ද ක්‍රමයෙන් අඩු කරන්න චායා සැලැස්මක් යොදනවා.. ඒ තමයි සූර්යාට එයාගේ තරහා පිට කරන්න පුළුවන් සතියකට එක දවසයි කියලා. ඉතින් කොහොමින් හරි සූර්යා එයාට යන තරහ පිට කරන්න සෙනසුරාදා දවස පත් කර ගත්තා. තමන් එක්ක පැටලෙන ඕනම කෙනෙක්ට දඩුවම් කරන්න සූර්යා සෙනසුරාදා වෙනකන් මග බලාගෙනමයි උන්නේ..

මම කතාව කියන්න යන්නෙ නෑ ඔයාලා බලලම ඉන්නකෝ..

එහෙනම් ගිහින් එන්නම් ,
තවත් අළුත් උපසිරැසියකින් ඉක්මණින් හමුවෙමු.
ඔබට ජය !

Due to copyright issues we do not provide any torrent links

ඉහත ලබාදී ඇති සිංහල උපසිරැසිය වෙනුවෙන්
කවිෂ්ක සංකල්ප සහෝදරයාට ස්තුතිය හිමිවිය යුතු අතර උපුටාගැනීම් ඔහුගේ අවසරය මතම සිදුවිය යුතුයි.

කවිෂ්ක සංකල්ප

July 7, 2022

33

Total Subtitles

Subtitles