(Pluribus (2025) S01 E01 Sinhala Subtitles) (Pluribus (2025) S01 E01 Sinhala Subtitle) (Pluribus (2025) S01 E01 Sinhala Sub)

Pluribus කියන්නෙ මේ දවස්වල හැමෝම කතා වෙන අලුත්ම අලුත් ටීවී සීරීස් එකක්. මේක හැබැයි සරලව සීරීස් එකක් නෙමෙයි, මේක අලුත්ම අත්දැකීමක්. හරි එහෙනම් වැඩිය කතා නැතුව කෙලින්ම විස්තරේට බහිමු.

හිතන්නකො ලෝකෙට වයිරස් එකක් එනවා. හැබැයි මේක සෝම්බි හදන, ලෙඩ කරන ජාතියෙ එකක් නෙමෙයි. මේ වයිරස් එක හැදුණම මිනිස්සු “Super Happy” වෙනවා. කිසිම තරහක්, දුකක්, කේන්තියක් නෑ. හැමෝම එකමුතුයි, හරියට එකම Hive Mind එකක් වගේ වැඩ කරන්න ගන්නවා. E pluribus unum කියන ලතින් වචනවල තේරුම “බොහෝ දෙනාගෙන්, එකක්” කියන එකයි. සීරීස් එකේ නමත් එතනින් ඇවිත් තියෙන්නෙ.

හැබැයි, කතාවෙ පොඩි අවුලක් තියෙනවා. මේ සතුටේ වයිරස් එකට අහුවෙන්නෙ නැති, ඒකට ප්‍රතිශක්තිය තියෙන කීප දෙනෙක් ලෝකෙ ඉතුරු වෙනවා.

කතාවේ ප්‍රධාන චරිතය වෙන්නෙ Carol Sturka. එයා පොත් ලියන ලේඛිකාවක්. හැබැයි Carol කියන්නෙ ජීවිතේ ගැන මල පැනපු, හැමදේම ගැන අසුභවාදීව බලන, කොහොමටවත් සතුටින් ඉන්න චරිතයක් නෙමෙයි. දැන් හිතන්නකො, මුළු ලෝකෙම සතුටින් පිරිලා, එකම අරමුණකට වැඩ කරද්දි, මේ මල පැනපු ගෑණි විතරක් තනි වෙනවා.

මුළු ලෝකෙම සතුටින් ඉද්දි, දුකෙන් ඉන්න එකම කෙනා වගේ වුණාම මොනවා වෙයිද? සතුට කියන දේ බලෙන් දෙන්න පුළුවන්ද? තනියම වෙනස් විදිහට හිතන එක වරදක්ද? Pluribus අල්ලන්නෙ ඔන්න ඔය වගේ ගැඹුරු තැනක්.

මේ සීරීස් එක සුපිරි වෙන්න ලොකුම හේතුවක් තියෙනවා. මේක හදලා තියෙන්නෙ වෙන කවුරුත් නෙමෙයි, Vince Gilligan.

නම ඇහුණ ගමන් දන්නවනෙ? ඔව්, ඔව්, Breaking Bad සහ Better Call Saul වගේ ලෝකෙම පිස්සු වට්ටපු සීරීස් දෙකේම මොළකාරයා තමයි මේකෙත් නිර්මාතෘ. එයා අවුරුදු ගාණකට පස්සෙ කරන අලුත්ම වැඩේ තමයි Pluribus.

ඒ වගේම ප්‍රධාන චරිතෙ, අර මල පැනපු ලේඛිකා, විදිහට රඟපාන්නෙ කවුද දන්නවද? Rhea Seehorn. ඒ කියන්නෙ Better Call Saul එකේ අපේ හැමෝගෙම හිත දිනාගත්ත Kim Wexler. ඉතින් Vince Gilligan ගේ කතාවකට, Rhea Seehorn රංගනය එකතු වුණාම එන Combination එක ගැන අමුතුවෙන් කියන්න ඕන නෑනෙ.

මේක තාම ගොඩක් අලුත් සීරීස් එකක්. ඒත් ආපු ගමන් විචාරකයො නම් පිස්සු වැටිලා. Rotten Tomatoes වල දැනටමත් මේක 100% ක සුපිරි රේටින් එකක තියෙන්නෙ. විචාරකයෝ කියන්නෙ මේකත් Breaking Bad වගේම හිමින් කතාව ගොඩනඟන, ඒත් හිතන්න ගොඩක් දේවල් ඉතුරු කරන, අමුතුම ජාතියෙ Science Fiction එකක් කියලා. මේක නිකන් Sci-Fi විතරක් නෙමෙයි. Dark Comedy, Psychological Thriller ගතියකුත් හොඳට කලවම් වෙලා තියෙනවා.

කෙටියෙන්ම කිව්වොත් අනිවාර්යයෙන්ම බලන්න වටින කතාවක්. ඔයා Breaking Bad, Better Call Saul වලට කැමති කෙනෙක් නම්, Vince Gilligan ගේ කතා කියන විලාසයට කැමති නම්, මේක මිස් කරගන්න එපා. ඔයා නිකන් වෙඩි තියාගන්න Sci-Fi නැතුව, ටිකක් හිතන්න දෙයක් තියෙන, අමුතු කතාවලට ආස නම් මේක ඔයාටම ගැලපෙයි. Rhea Seehorn ගේ සුපිරි රංගනයක් බලන්න ආස නම් අනිවා බලන්න.

Due to copyright issues we do not provide any torrent links

සිංහල උපසිරැසි |Loading...|