මෙන්න කලින් කීව විදිහට 4 වෙනි සීසන් එකේ අන්තිමට ගේනවා කීව ඒ විශේෂ, අවසාන ආටිකල් එක.. 

Outer Banks 4 වෙනි සීසන් එක 2024 නොවැම්බර් 7 වෙනිදා තමයි නිකුත් වුණේ. 4 වෙනි සීසන් එක ඉවර වෙන්න කලින්’ ඒ කියන්නේ නොවැම්බර් 5 වෙනිදා හරියටම සීරිස් එකේ නිර්මාතෘවරුන්, 5 වෙනි හෙවත් අන්තිම සීසන් එකට කතාව Renew කරනවා කියලා නිවේදනය කළා. තාමත්’ ඒ කියන්නේ 2025 මුල වෙනකොටත් Netflix හරහා 5 වෙනි සීසන් එක නිකුත් වෙන දිනයක් නිවේදනය කරලා නෑ.

ටීවි සීරිස් එකේ සම-නිර්මාපකයින් සහ විධායක නිෂ්පාදකයින් වන Jonas Pate, Josh Pate සහ Shannon Burke ගේ ප්‍රකාශයක් පහලින් උපුටා ගන්නම්,

“අවුරුදු හතකට කලින්, 2017 ගිම්හාන කාලෙදි විදුලිය ඇණහිටීමක් අතරතුර හවස් කාලෙක වෙරළ තීරයක හිටිය ගැටවරයෝ කීපදෙනෙක්ගේ ෆොටෝ එකක් අපිට හම්බුණා. ඒ ෆොටෝ එකෙන් හොඳම යාළුවෝ හතර දෙනෙක්ගේ කතාවකට අපිට අදහසක් ආවා. මේ කතාවේ මුල ඉඳන්ම ත්‍රාසජනක, නිධන් දඩයම්, ආදරය වගේම යාළුකම ගැන හොඳ පණිවිඩයක් වගේම විනෝදාස්වාදයක් ප්‍රේක්ෂකයාට ලබාදෙන්න අපි උනන්දු වුණා. එද  ඉඳන් සීසන්ස් 5 ක ගමනකට තුඩු දෙන අභිරහසක් අපි හිතින් මවා ගත්තා. ඒ කාලෙදි’ ඒ කීවේ අවුරුදු හතකට කලින් අපිට සම්පූර්ණ සීසන්ස් 5 කම කතාව කොහොම කරන්නද කියලා දැනගෙන හිටියේ නෑ. ඒත් මෙන්න අද.. අපි ලොකු දුරක් ඇවිල්ලා තියෙනවා..”4 වෙනි සීසන් එක කියන්නේ අපි ගොඩක් බාධක මැද දුෂ්කරව ඒත් ප්‍රතිලාභදායක විදිහට නිෂ්පාදනය කරපු සීසන් එකක්.. සීසන් එකේ අන්තිම එපිසෝඩ් එක අපේ සාර්ථකම වගේම හොඳම එපිසෝඩ් එක කියලා කියන්න පුළුවන්. ප්‍රේක්ෂකයටත් එහෙම දැනෙයි කියලා අපි බලාපොරොත්තු වෙනවා..” “දැන්, අපි 4 වෙනි සීසන් එක පැත්තකින් තියලා 5 වෙනි සීසන් එකට අවධානය යොමු කරන්න පටන් ගෙන තියෙනවා.. අවුරුදු ගණනාවකට කලින් අපි හිතපු වගේම සැලසුම් කරපු විදිහට අපේ ආදරණීය පෝග්ලා ආයෙත් ගෙදරට එක්කන් එන්න බලාපොරොත්තු වෙනවා.”

ඕක තමයි විස්තරේ.. උඩ උපුටා ගැනීමෙදී අන්තිම එපිසෝඩ් එකේ ස්පොයිලර්ස් ටිකක් අයින් කරලයි මම දාලා තියෙන්නේ, මොකද ඔයා මේ එපිසෝඩ් එක බලන්න කලින් මේක කියෙව්වොත් අවුලක් නොවෙන්න.. කොහොමහරි මුල ඉඳන් අපිට හුරුපුරුදු නළු නිළියෝ ලොකු ප්‍රමාණයක් අපිට 5 වෙනි සීසන් එකේදිත් බලාගන්න පුළුවන් වෙනවා.. අපි ඉවසිල්ලෙන් ඉමු ආය “මහපොළොවේ පාරාදීසය – Outer Banks” වලට හායි කියන්න.

මේ සීරිස් එකට සබ් කරන එක මට ලොකු අභියෝගයක් වුණා මොකද කවුරුත් මේ සීරිස් එකට කලින් සබ් දීලා තිබුණේ නෑ සහ එපිසෝඩ් 40 ක් එකදිගටම දෙන්න සිද්ධවුණ හින්දා.. කොහොමහරි දෛනික වැඩ පවා ගොඩක්වෙලාවට පස්සට දාගෙන මේ වැඩේට මම මුල්තැන දුන්නා.. අවුරුදු 4 ක් තිස්සේ ඇදීගෙන ආව සීරිස් එකට මට මාස 3 ක ටත් අඩුකාලයකදි සබ් දීලා ඉවර කරන්න පුළුවන් වුණා.. කොහොමහරි ගොඩාක් දෙනා මගේ මහන්සිය රසවිඳින්න ඇති කියලා හිතනවා.. අපි ආය හම්බෙනකන් අන්තිම වතාවට පල්ලෙහයින් කමෙන්ට් එකක් දාගෙන යනවනම් මට ඒක ලොකු දෙයක්!

ස්තූතියි.

Due to copyright issues we do not provide any torrent links

සිංහල උපසිරැසි |Loading...|