(Last Breath (2025) Sinhala Subtitles) (Last Breath (2025) Sinhala Subtitle) (Last Breath (2025) Sinhala Sub) (Last Breath Sinhala Subtitle) (Last Breath Sinhala Sub) (Last Breath 2025 Sinhala Subtitle)

සුබ දවසක් හැමෝටම..

ඔන්න අදත් තවත් අලුත්ම සිනමාපටයකට සිංහල උපසිරැසිත් අරගෙන තමයි මේ පැත්තට ගොඩ වැදුණේ..ඉතින් අද මම සිංහල උපසිරැසි අරගෙන ආවේ පහුගිය පෙබරවාරි 28 වෙනිදා තිරගත වීම ආරම්භ කරලා මාර්තු 18 වෙනිදා OTT වලට රිලීස් වුණ Last Breath (2025) කියන ඉංග්ලිෂ් ෆිල්ම් එකට.. ඒ වගේම මේ ෆිල්ම් එක අධ්‍යක්ෂණය කරලා තියෙන්නේ Alex Parkinson විසින්.. ඉතින් මේ චිත්‍රපටය 2019 අවුරුද්දේ Alex Parkinson විසින්ම අධ්‍යක්ෂණය කරපු Last Breath වාර්ථා චිත්‍රපටයේ සිනමා ප්‍රතිනිර්මාණයක් වෙනවා.. ඒ වගේම මේක සත්‍ය කතාවක් පාදක කරගෙන නිර්මාණය වුණු චිත්‍රපටයක් වීමත් වැදගත් දෙයක්..⁣මේ වෙද්දි IMDb දර්ශකයේ 6.7/10 ක් වගේ හොඳ රේටින්ග් අගයක් ලබා ගන්නත් මේ චිත්‍රපටයට හැකියාව ලැබිලා තියනවා..

කාස්ටි එක පැත්කට හැරිලා බැලුවොත් Woody Harrelson, Finn Cole සහ අපි කවුරුත් දන්න Shang-Chi ගේ චරිතයට පණ පොවපු Simu Liu තමයි ප්‍රධාන චරිත රඟදක්වන්නේ..ඊට අමතරව Cliff Curtis, Christian Scicluna, Mark Bonnar වගේ තවත් නලු නිළි කැලක් මේ චිත්‍රපටයට රංඟනයෙන් දායක වෙලා තියනවා..

ඉතින් චිත්‍රපටයට පාදක වෙලා තියන කතාව ගැන කිව්වොත් එහෙම මම මුලින්ම කිව්වා වගේම මේක සත්‍ය සිදුවීමක් පාදක කරගෙන තමයි නිර්මාණය වෙන්නේ..ඒ සිදුවීම තමයි 2012 අවුරුද්දෙදි Saturation Diver කෙනෙක් විදියට කටයුතු කරපු Chris Lemons කියන පුද්ගලයා මුහුණ දුන්න බිහිසුණු අනතුර..ඉතින් මම කලින් සඳහන් කරපු Saturation Diver කෙනෙක් කියන්නේ ගැඹුරු මුහුදු පතුලේ තියන තෙල්,ගෑස් වගේ දේවල් ප්‍රවාහනය කරන නළ පද්ධති අලුත් වැඩියා කිරීම්.. තව මුහුදුබත් වුණු නෞකා වල ගලවා ගැනීම් වගේ දේවල් කරන කිමිදුම්කාරුවෙක්..මේ අය ගොඩක් ගැඹුරු මුහුදේ තමයි මේ රැකියාව සිද්ධ කරන්නේ..ඒ වගේම මේක ලෝකේ තියන භායනකම රැකියා වලිනුත් එකක්.. ඉතින් මේ චිත්‍රප⁣ටයේ කතාව වෙන්නේ ප්‍රධාන චරිතය වෙන ක්‍රිස් ලෙමන්ස් ඩේව් සහ ඩන්කන් කියන තමන්ගේ සඟයෝ දෙන්නත් එක්ක මම ඉහත කිව්වා වගේ මැනිෆෝල්ඩ් එකක අලුත් වැඩියාවකට ගැඹුරු මුහුදට යනවා..(මැනිෆෝල්ඩ් එකක් කියන්නේ කලින් කිව්වා වගේ තෙල් හෝ ගෑස් ප්‍රවාහනය කරන නළ පද්ධතියක්) ඉතින් මේ වැඩේට මුහුදු පතුළට යන්න භාවිත කරන යන්ත්‍රයට බෙල් එකක් කියලා තමයි කියන්නේ..ඒක සාමාන්‍ය සීනුවක වගේ හැඩයක් ගන්න කුටියක් වගේ දෙයක්..මේක ඇතුලේ ඉදන් මුහුදු පතුළට ටික දුරක් ගිහින් තමයි මේකෙන් පිට වෙලා ගැඹුරු මුහුදට කිමිදෙන්නේ.. ඉතින් මෙහෙම පිටත් වුණ දවස කවුරුත් නොසිතූ විදියට ක්‍රිස් ලෙමන්ස්ගේ වායු කේබල් එක කැඩිලා එයාට ලොකු අනතුරක් වෙනවා..ඉතින් ඊට පස්සේ

ක්‍රිස්ට මොකද වුණේ..?
කොහොමද ක්‍රිස්ව බේරගන්න මෙහෙයුම සිද්ධ වුණේ…?
ක්‍රිස්ගේ ජීවිතේ බේරගත්තද..?

වගේ හොඳම ප්‍රශ්න ටිකට උත්තර හොයාගන්නම් ඔයාලට ෆිල්ම් එක නරඹන්නම වෙනවා..

සිනමාපටයේ සිටින ක්‍රිස් ලෙමන්සගේ චරිතය රඟදක්වන Finn Cole සහ සැබෑම ක්‍රිස් ලෙමන්ස්

එහෙනම් හැමෝටම චිත්‍රපටය නරඹන්න ආරාධනා කරමින් අදට මම සමුගන්නවා..පහළින් කමෙන්ට් එකක් දාලා ඔයාලගේ අදහසත් සටහන් කරලා යන්න අමතක කරන්න එපා..

හැමෝටම ජය..!! 🙏

Due to copyright issues we do not provide any torrent links

සිංහල උපසිරැසි |Loading...|