(Ghatikachalam (2025) Sinhala Subtitles ) (Ghatikachalam (2025) Sinhala Subtitle) (Ghatikachalam (2025) Sinhala Sub)

කෞෂික් කියන්නේ වෛද්‍ය සිසුවෙක්. හැබැයි මෙයා බයගුල්ලෙක්. (අමු බයගුල්ලෙක් නම් නෙවෙයි හැබැයි.) හැබැයි මෙයා ජීවත් වෙන්නේ හැදෙන්නේ තමන්ගේ දෙමාපියන් යන විදිහට (ටිකක් මං වගේ හැබැයි. ගොඩක්ම නෙවෙයි.).

එයාගේ තාත්තා තමයි කෞෂික්ගේ රස්සාව පවා තීරණය කලෙත්. අම්මා තමයි එයාගේ කෑම තීරණය කලේ. කොහොමින් හරි කාලයක් යද්දී මෙයාගේ මානසික මට්ටමත් පහලට වැටෙද්දී මෙයාට ඇහෙනවා කෙනෙක් තමන්ට විධානයක් දෙනවා වගේ දෙයක්. මුලින් මුලින් පොඩියට විධාන දීලා පස්සේ පස්සේ ලොකු විධාන දෙන්න ගන්නවා..

කවුද මේ විධාන දෙන කෙනා..?
ඇයි මෙයාට එහෙම වද දෙන්නේ?
ඇත්තටම කෞෂික්ට මොකක්ද වෙලා තියෙන්නේ?
එයාගේ දෙමාපියෝ එයාගේ වෙනසට මොකක්ද කරන්නේ?

මේවට උත්තර හොයන්න නම් ෆිල්ම් එක බලලම දැනගන්න වෙයි…

සබ ඕනේ අය පහලට ගිහිල්ලම ඩවුන්ලෝඩ් කරගන්න.. වැඩි විස්තර ඕනේ අයට පොඩි හැල්ලක් මේ විදිහට ලියන්නම්.

සුපුරුදු විදිහටම අදත් ඔන්න තවත් සයිකෝ – හොරර් ගනයේ ෆිල්ම් එකක උපසිරසියක් අරගෙනයි අද සයිට් එකට අරන් ආවේ. කලින් එකේ ප්‍රතිචාර හොද හින්දම මේකත් ඔන්න මං ගානේ දෙනෝ.

විශේෂයෙන් මේක බලන්න කලින් කියන්න ඕනේ දෙයක් තියෙනවා. මතක තියාගන්න මේ ෆිල්ම් එක හැදෙන්නේ සත්‍ය කතාන්දරයක් පාදක කරගෙන. ඒ වගේම අපිට අපේ සමාජයේ දකින්න ලැබෙන සුලභ මානසික ආබාධයක් ගැනත් මේ ෆිල්ම් එකේ දකින්න ලැබෙනවා.. (ස්පොයිල් වුනානම් සමාව දෙනු මැන.) යමුකෝ විස්තරේ පැත්තට..

ඉතින් මේ ෆිල්ම් එකේ නම Ghatikachalam. 2025 අවුරුද්දේ මැයි 31 වෙනිදා නිකුත් කරපු මේ ෆිල්ම් එකේ අධ්‍යක්ෂණය කරන්නේ අමර් කාමෙපල්ලිගෙන්. නිෂ්පාදනය විජේ කුමාර් සහ M.C රාජුගෙන්. සංගීතය Flavio G. Cuccurullo ගෙන්. මේක අයිති වෙන්නේ සයිකෝ-හොරර්-ත්‍රිලර් ගණයට.

කාස්ට් එක ගැන කිව්වොත් කලින් උපසිරැසි දුන්නු එකේ ඉන්න සෙට් එක වගේම කට්ටියක් තමයි මේකෙත් රගපාන්නේ. ඒ කිව්වේ අලුත් කට්ටියක් ඉන්නේ මේ ෆිල්ම් එකෙත්. හැබැයි රංගනයෙන් උපරිම සාධාරණයක් කළා. කට්ටිය ගැන කිව්වොත් නිඛිල් දේවදූලා, දුර්ගා දේවි, ආර්විකා ගුප්තා, ශාන් කක්කර්, ශ්‍රිනිවාස් කාමෙපල්ලි, අර්ජුන් විහාන් වගේ අය තමයි මේ ෆිල්ම් එකේ ඉන්නේ.

විශේෂයෙන් කියන්න ඕනේ නිඛිල් දේවදූලාගේ රංගනය සුපිරියක් කියලා. මොකද එයා ඒ තරම්ම තාත්වික විදිහට ඝටිකාචලම්ගේ චරිතය – කෞශික්ගේ චරිතය අපූරුවට රගපෑවා.. ගිනි ගින්දර ආ.. සමහරක් ඒවටත් මං බය වුනු තරමක් 😁.. එයාට හොද අනාගතයක් තියෙනවා රංගනයෙන්…

මේ චිත්‍රපටයට ලබාදීපු IMDB අගය 5.8/10ක්. මේකේ ධාවන කාලය පැය 1යි විනාඩි 58ක්. මේ චිත්‍රපටයේ OTT නිකුත් කලේ Amazon Prime Video හරහා ජුනි 20 වෙනිදා.

ඔයාලගේ අදහස් හරි අඩුපාඩු හරි තියෙනවා නම් කමෙන්ට් එකකින් දන්වන්න අමතක කරන්න එපා වගේම ඔයාලට ඕනේ චිත්‍රපටි ඉල්ලීම් එහෙම තියෙනවා නම් කමෙන්ටුවකින් දැනුවත් කරන්න.

හැමදාම වගේ මගේ උපසිරැසි වලට අදහස් උදහස් දක්වන ප්‍රේක්ෂක ඔයාලට මගෙන් තුති.

ඉස්සරහට තව ෆිල්ම් අරන් එනකල් අදට මං ගොහින් එන්නම්කෝ. තව තෙලිගු හරි මලයාලම් සබකින් හමුවෙනකම් ඔයාලට සුබ දවසක් !

ප.ලි: මගේ කරදරේ ඉවසගෙන ඉන්න සමිත අයියට ගොඩක් පින් ඉතින් 😁 ඒ වගේම ෆිල්ම් වලට ලස්සන ලස්සන කවර හදන උචිනි අක්කටත් ගොඩක් පින් 😁..

Due to copyright issues we do not provide any torrent links

සිංහල උපසිරැසි |Loading...|