(Game Changer (2025) Sinhala Subtitles) (Game Changer (2025) Sinhala Sub) (Game Changer Sinhala Subtitles) (Game Changer Sinhala Sub)

සුභ දවසක් හැමෝටම..

ඔන්න ඉතින් ඊයේ අන්තර්ජාලයට නිකුත් වෙලා තිබ්බ, ගොඩක් දෙනෙක් එනකම් බලන් හිටපු තවත් සුපිරි තෙලිගුවකට සබක් අරන් මාත් සයිට පැත්තට ගොඩ උනා.. ඇත්තටම මේක බ්ලොක් බාස්ටර් එකක්‌ වෙයි කියලා ගොඩක් දෙනෙක් බලාපොරොත්තු තියාගෙන හිටිය.. ඒත් හැමෝගෙම බලාපොරොත්තු සුන් කරමින් මේක Disaster එකක් උනා.. ඒකට ඉතින් හේතු එක එක විදිහට කියන්න පුළුවන් නෙ ඕන කෙනෙක්ට.. ඇත්තටම මට නම් මේ ෆිල්ම් එක මෙලෝ වැඩක් නෑ ජරාවක් කියලා අහක්‌ කරන්න තරම් දෙයක් නෑ.. මං නම් හොද තෙලිගු රසිකයෙක් විදිහට, මට මේක සෙට්.. කට්ටිය හෑලි ලියද්දි වැඩක් නෑ වැඩක් නෑ කියලා මාත් හිතුවේ ජරාවක් වෙන්න ඇති කියලා.. ඒත් ෆිල්ම් එක බලද්දී තේරුනා කියන තරම් යකා කළු නෑ කියලා..

මේක අධ්‍යක්ෂණය කරන්නේ කියන S. Shankar අධ්‍යක්ෂකවරයා.. ලොකුම අවුල තමයි I, 2.0 වගේ සුපිරි ෆිල්ම් කරපු මේ අධ්‍යක්ෂකතුමාගෙන් ගොඩක් දෙනෙක් මීට වඩා දෙයක් බලාපොරොත්තු උනා.. පොර මීට කලින් දීපු Indian 2 එකෙනුත් අනාගත්තනේ..

මේකේ ස්ටොරිය Jigarthanda DoubleX එහෙම අධ්‍යක්ෂණය කරපු Karthik Subbaraj ගේ.. පොරගේ ස්ටෝරි නම් ආයෙ ගින්දර නෙ.. මේකෙත් ස්ටෝරි එක සුපිරියක්‌.. අවුල තමයි මේකේ පොඩි යල් පැන ගියපු ගතියක් පේන්න තිබ්බ.. මොකද මේකෙ නිකන් අර 2012-2015 අතර කාලේ ආපු තෙලිගු දමිළ වයිබ් එකක්‌ තිබුනේ.. ලව් ස්ටෝරි එක, ඇක්ෂන්, කොමඩි, විලන්.. මේ සේරම.. අර අලුත් දෙයක් කියන්න මොකුත් මේකේ තිබ්බ නැති එකයි අවුල.. RRR වගේ සුපිරියක්‌ දීලා රසිකයන්ව වෙනම තැනකට ගෙනිච්ච රාම් චරන්ගෙන් ගොඩක් රසිකයෝ බලාපොරොත්තු වුනේ ඊට එහා දෙයක්.. නමුත් එයා දීලා තියෙන්නේ එයා කාලෙකට කලින් කරපු ජාතියේ එකක්‌.. ගොඩක් අය හිතුවා පොර තාත්තා එක්ක කරපු Acharya ෆිලුමත් ෆ්ලොප් වෙච්ච හින්ද මේකෙදි වත් ගේමක් ගහයි කියලා.. ඒත් වැඩේ නෝන්ඩි වෙච්ච එක වුනේ.. ඇත්තටම මේක කිසිම කම්මැලිකමක් නැතුව බලන්න පුළුවන් පට්ට ෆිල්ම් එකක්‌.. තෙලිගු ෆිල්ම් බලලා හුරු කෙනෙක් නම් ලොවෙත් මේක ඔයාට සෙට්.. කවුරු කොහොම කොයි කතා කිව්වත් රේටින් සහ බොක්ස් ඔෆිස් වාර්තා නොබලා ෆිල්ම් බලන්න.. නැත්තම් හොද ෆිල්ම් ගොඩක් මිස් වෙන්න පුළුවන්..

මේක අයත් වෙන්නෙ Political / Action කියන කැටගරි එකට.. සම්පුර්ණයෙන්ම දේශපාලන කේස් එකක්‌.. ලස්සන සින්දු ටිකකුත් තිබ්බ.. තෙළිගු සිනමාවේ අපි දකින ගොඩක් නළුවෝ පොඩි තිර කාලෙකට හරි අරන් තිබුනා..

අධ්‍යක්ෂණය – S. Shankar
කතාව – Karthik Subbaraj
රංගනය – Ram Charan, Kiara Advani, S. J. Suryah
ධාවන කාලය – මිනිත්තු 165
භාෂාව – තෙළිගු
තිරගත වූ දිනය – 2025 ජනවාරි 10

කතාව

රාම් නන්දන් කියන්නෙ වයිසැග් වලට අලුතින් පත් වෙලා එන දිසාපතිතුමා.. වයිසැග් වල නීතිවිරෝදී වැඩ සෑහෙන්න සිද්ද වෙන පැත්තක්.. මෙයා මේවට විරුද්දව ක්‍රියාමාර්ග ගන්නවා.. හැබැයි හැමදේම කෙලවර වෙන්නෙ දේශපාලනයෙන් වගේ මේකෙත් අග ගෑවිලා තියෙන්නේ දේශපාලනය.. සත්‍යමූර්ති කියන්නෙ ප්‍රාන්තේ මහ ඇමති, මෙයාගේ පුතාල දෙන්න හදන්නේ කොහොම හරි මේ පුටුව අත්පත් කරගන්න.. කොහොමහරි මෝපිදේවි කියන පොඩි පුතා මහ ඇමතිව මරන්නේ බල තණ්හාවෙන්.. මේ වෙද්දී මේ පොඩි පුතා, රාම් එක්ක ලොකූ ගේමකුත් දාගෙන, එයාගේ වැඩත් තහනම් කරලා, එයාව මරන්න ලෑස්ති කරලා තියෙන්නේ.. අන්තිම මොහොතේ කවුරුත් නොහිතන විදියට මහ ඇමති එයාගේ අන්තිම කැමැත්ත විදියට එයාගේ සේරම දේවල් රාම් නන්දන් කියන පුද්ගලයට පවරලා තමයි මිය යන්නෙ.. මෝපි දේවි මේ ගැන දැනගන්නේ මිනීමැරුම කරාට පස්සේ..

ඔන්න එතනින් තමයි මේ සුපිරිය පටන් ගන්නෙ..

කව්ද මේ රාම් නන්දන්.?
කොහෙවත් ඉන්න වැඩ තහනම් වෙච්ච දිසාපති කෙනෙක්ට ඇයි කවුරුත් මහ ඇමති තනතුරක්‌ දෙන්නෙ.?
මොකක්ද මේකේ අතීත කතාව.?

සේරම දැනගන්න මේ සුපිරිය බලන්නකෝ 🤭♥️

හැමදාම වගේ ලස්සන කවර හදල උදව් කරන උචී අක්කවයි, ෆිල්ම් එක බාරදුන්න සමිත අයියවයි ආදරෙන් මතක් කරනවා 🥺❤️

ගිහින් එන්නම් ජය ❤️

Due to copyright issues we do not provide any torrent links

සිංහල උපසිරැසි |Loading...|